Mafia ne Korcë apo cfarë?

14 Mars 2015, 10:49, Aktualitet CNA

Petrit Tare

Prej disa kohësh KLSH ka bërë një kallzim penal për një nga drejtuesit e insitucioneve publike në Korcë. Ekspertët e institucionit të kontrrollit konstatuan se në Ujësjellës Kanalizime Korcë, ka humbje dhe abuzime të mëdha. Sipas raportit të KLSH-së është marë një kredi 3.6 milion euro e cila është e paligjshme, pasi nuk ka miratim nga Ministria e Financave. Mjafton kjo kredi që drejtuesi i këtij institucioni të vihej pas hekurave. Pra për 6 milion dollarë kredi më kosto dhe pasoja për qytetarët e Korcës nuk ka asnjë ndalim, për 3 mijë lekë energji përfundon në polici pas hekurave, PSE?

Kjo kredi ka dhe një histori, apo është si puna e dardhës që ka bishtin prapa. Kredia është mare për të blerë për matësa uji. Korca në fakt i kishte të reja apo vendosura pak kohë më parë. Vendimi për ndrimin e matësave ka skandalizuar dhe vetë investitorin e ujësjellësit të Korcës, KFW Bank. Pra një investitor gjerman, që vendos matësa si në vendet e BE, i hidhen në kosh të plerave dhe meren matësa që kushtojnë sa minimum 6 fishi i atyre që kanë gjermanët apo austriaket, por kanë vetëm një ndryshim matësat e vendosur me kredinë e Petritit Tares kushtojnë 120 euro, nga 20 euro ato të gjermanit, dhe këto që kushtojnë 120 euro (pa tvsh) janë prodhim kinez. Tarja jonë gërmon gjer në Kinë.

Matesi Kinez i Petrit Tares, ne tek mesatarisht 80 usd me pakice

Ky skandal i matësave ku ka ngjyer turinjtë edhe Petrit Tare ka mjaft hije nga pas. Së pari ka një dem ekonomik miliona euro, sepse bëhet një investim që nuk sjell asnjë përfitim për qytetarët, por vetëm rendon xhepat e tyre. E dyta nuk ul cmimin dhe kostot e ujit por i ngre ato, Korca sot është qyteti me cmimin më të lartë të ujit në vend, kjo për shkak të politikave abuzive të drejtuesit të institucionit.

Një fakt shumë domethenës vjen nga raporti i KLSH, humbasin dhe nuk faturohen me qindara e qindara metër kub ujë. Cmimi vetëm është ngritur sistematikisht. Cka do të thotë se Petrit Tare, zgjidhjen për bilancet e institucionit e ka gjetur duke vjedhur xhepat e qytetarëve të Korcës, vetëm duke ngritur cmimin. Uji rrjedh, humbet, shumë familje pa matësa dhe askush nuk ka asnjë përgjegjësi.

Kur nuk bën punë, kur keq menaxhon institucionin ka nje zgjidhje, risim tarifat, rregullohet bilanci, faturën e paguajnë qytetarët.

KLSH con një akuzë por prokuroria po e bën tërkuzë. Kjo për një fakt të thjeshtë, në krye të gjykatës së Apelit në Korcë ndodhet Entela Prifti, bashkëshortja e Petrit Tares. Ajo u pa në prokurori menjeherë sapo u cua padia. Një nga personazhet e akuzuar nga opozita e djeshme dhe mazhoranca e sotme se u ble për vendimin e Kolegjit Zgjedhor i cili shpalli humbës Edi Ramën, në vitin 2011. Prokuroria po e mbron Petrit Taren kur ky i fundit ka një dosje që kredia apo humbjet janë shumë shumë pak nga fakti i vërtete i korrupsionit ku është mbytur Tare.

Kur akuzon politika gjithcka meret me rezerva, por kur ekspertët e KLSH që janë të pranuar nga të gjithë, cojnë dosjet prokuroria heton dhe zbardh të vërtetën. Në rastin tonë ka mjaft dyshime se prokuroria po e zgjat cështjen për ta mbyllur me afate. Pra një skandal miliona dollarë të mbyllet pa asnjë përgjegjës. Petrit Tare vazhdon punën, Entela po hap rrugën dhe pastron terrenin kur vjen ligji dhe shteti, qoka politikë, lidhje të dyshimta, a nuk është kjo MAFIA?

Mafia nuk funksinon më me vrasje por me trafik influencash, investime miliona dollarë, investime që vidhen nga taksat e tarifat që paguajnë qytetarët. A nuk është mafie kur dhjetra milionë dollarë të taksave dhe tarifave që paguajnë qytetarët e Korcës, abuzohen dhe askush nuk mban përgjegjësi? A nuk është mafia kur influencat e gruas, miqve politikë, qokave në emërimeve mbyllin dosje dhe skandale miliona dollarë?

Tashmë nuk ka ngelur gje tjëtër vetëm të presim dhe pak kohë prokurorinë të thotë fjalën e saj. Cka do tregojë a është ky institucion i uzurpuar i përdorur nga klane që duket që funksionojnë si një mafie moderne në Korcë apo është institucioni që do bëje drejtësi dhe do gjejë përgjegjësit për abuzimet miliona dollarë me taksat e qytetarëve. Për vendimin e gjykatës më pas është një tjetër histori.

Elvi FUNDO