E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Mandatohet Shpëtim Idrizi për pazare elektorale, kërkon 5 bashki

14 Mars 2015, 09:38, Aktualitet CNA

Është mandatuar dje kreu i Partisë për Drejtësi, Integrim dhe Unitet, Shpëtim Idrizi, për të çelur siparin e pazareve elektorale në funksion dhe për llogari të zgjedhjeve të 21 qershorit. Idrizi mbajti një fjalim të gjatë para Këshillit Kombëtar, ishte gjithë kohës i paqartë, kishte dilema dhe nuk u shpreh përfundimisht se me cilin kamp politik do rreshtohet në zgjedhje.

Por, në fund Idrizi u mandatua për të bërë pazare me çdo kënd që do të jepte ofertën më të mirë. PDIU kërkon 5 bashki në Shqipërinë e Jugut dhe të Mesme. Koalicioni do të varet nëse do të arrihet një marrëveshje, që 5 bashki t?i jepen në tavolinë PDIU. Idrizi kërkon Konispolin në Qarkun e Vlorës, Patosin në Fier, Rrogozhinën në Tiranë, Shijakun në Qarkun e Durrësit dhe Peqinin në Elbasan. Gjatë fjalës së tij, Idrizi ka deklaruar se PDIU është e hapur për koalicion, por nuk do të bëhet zari i askujt’ sipas gazetes ‘Sot’

?Mos na pyesni se me kë jemi në koalicion. Ne e kemi koalicionin tonë me sovranitetin dhe dinjitetin tonë si parti, e kemi koalicionin tonë me kauzën e të gjithë shqiptarëve, me aspiratën e të gjithë shqiptarëve. Ne si PDIU e kemi koalicionin me aspiratën kombëtare të shqiptare. Ne jemi në aleancë me aleatët tanë, po jo zar apo shtojcë apo seksion i ndonjë partie. Ne kemi refuzuar të jemi vegjetarianë në aleancat paszgjedhore. Për mua me radhë na kanë përfolur si të dëshiruar me koalicionin qeveritar, por ne nuk jemi pjesë e shpresëvrasjes?, u shpreh Idrizi.

Ai theksoi se PDIU është në aleancë vetëm me çështjen kombëtare. ?Në fakt, ne si parti kemi vetëm një aleancë, vetëm një koalicion dhe nxitja e shpresës për shqiptarët. Askush të mos na llogarisë me gjuhën e politikës së konfliktit apo sundimomanisë. Mjaft me politikën absurde të skemave. Mjaft me politikën që e çon shqiptarin në zgrip të revoltës. Të ndryshojmë kurse qeverisjeje apo opozitarizmi. Mund ta them me forcë dhe krenari se PDIUja se është subjekti me rritjen më të madhe elektorale. Ne jemi më shumë se 4fishuar kur partitë e tjera e humbën peshën në koalicionin e kaluar dhe sot ne jemi në Kuvend me 5 deputetë. Ne jemi për të dëshmuar pa asnjë mëdyshje se jemi forca dhe pulsi i politikës shqiptare?, deklaroi Idrizi.