web counter
LEXO PA REKLAMA!

SHKARKO APP

App Store
Google Play

Ujësjellësi i Korçës/ 820 milionë lekë dëm ndaj shtetit

30 Janar 2016, 12:37, Aktualitet CNA
Ujësjellësi i Korçës/ 820 milionë lekë dëm
Petrit Tare

Kontrolli i Lartë i Shtetit ka publikuar raportin e auditimit për dëmet e krijuara ndaj shtetit për periudhën 2013-2015.

Nga raporti i KLSH, rezulton se Ujësjellësi i Korçës, i drejtuar prej 23 vitesh nga Petrit Tare, vazhdon ti shkaktojë dëm ekonomik shtetit me qindra milionë lekë.

Sipas raportit dëmi që UKK i ka shkaktuar shtetit është  820 milionë lekësh të vjetra, sipas tabelës të mëposhtme, e cila është pjesë e raportit të publikuar nga KLSH-ja.

Sipas tij rezulton se në sistemin e pagave në Ujësjellësin e Korçës është shkaktuar një dëm prej 30 milionë lekë të vjetra.  Nga shpenzimet operative, dëmi trefishohet, pra vetëm në këtë zë shuma është 81 milionë lekë të vjetra. Në total, shuma e këtyre dy dëmeve shkon 111 milionë lekë të vjetra. Nuk mbyllet këtu dëmi i shkaktuar shtetit në këtë institucion. Sipas KLSH-së, në fushën e prokurimeve, ku përfshihen tendera të ndryshme dëmi i shkaktuar është 712 milionë lekë të vjetra. Në total, kemi një dëm prej 820 milionë lekë.

Ky zarar i këtij institucioni nuk është gjë tjetër veçse vazhdimi i denoncimeve që bëhen nga institucionet përgjegjëse dhe kopetente për kontrollin financiar ndaj UKK. Kujtojmë se vitin e kaluar drejtori i këtij institucioni u padit në prokurori. KLSH-ja atëherë pretendonte se një shumë prej disa milionë euro ishte përdorur për blerje matësash uji me një vlerë disa herë më të lartë se ajo e tregut.

Hetimet e kësaj çështjeje dhe dëmet e reja të shkaktuara duket se nuk i mjaftojnë kryetarit të bashkisë, Sotriaq Filo dhe bordit drejtues të institucionit që të bëjë shkarkimin e Petrit Tares nga drejtimi i institucionit që vit pas viti raportohet me shkelje dhe dëme ekonomike financiare./citynews





Lajmet e fundit nga