web counter
LEXO PA REKLAMA!

SHKARKO APP

App Store
Google Play

E fundit!

x

Bajraktari Tare dhe Entela Prifti, miliona lekë në vit nga taksat e shqiptarëve

1 Prill 2015, 08:47, Aktualitet CNA

Prej disa kohësh në www.cityfm.al filluam denoncimin e Drejtorit të UKK Korcë, për ato që lehtësisht mund të quhen aferat korruptive dhe abuzime me detyrën. Faktet fillimisht dolën pas një raporti kontrrolli të KLSH ku thuhet se Tare ka abuzuar me miliona dollarë gjatë drejtimit të institucionit ku punon. Raporti theksonte për një kredi 3.6 milion euro në mënyrë jo ligjorë dhe më tej fliste dhe për mënyrën e përdorimit të kësaj kredie. Një shumë maramendëse parash që për kohën shkonte tek 5 milion dollarë e cila nuk u prokurua sipas ligjit me tender të hapur, por Petrit Tare me negocim e coi aty ku donte këtë shumë parash, thua se e kishte pasurinë e tij personale. Taksat dhe kreditë që paguhen nga korcarët negociohen nga Petriti.

Më tej raporti flet qartë për humbjet në rrjet dhe shumë e shumë shkeljë të tjera të cilat tashmë janë në dorë të prokurorisë. Për këtë hetim ende ska asnjë të dhënë zyrtare por të shpresojmë edhe njëherë që prokuroria nuk do jetë peng i Entela Priftit, Kryetares të gjykatës Apelit në Korcë.

Milionerë me taksat e shqiptarëve

Nisur nga denoncimi i KLSH dhe akuzat në rrjetet sociale apo portale të ndryshme dhe media, verifikuam dhe po publikojmë sot vetëm një vit të deklarimit të pasurisë të ciftit Tare ? Prifti.

Një nga ciftet që pasurohet jo pak por plot 44 milion lekë në vit, osë rreth 40 mijë dollarë në vit. Këto janë të ardhurat e dy zyrtarëve tanë të cilët sot drejtojnë dy nga institucionet kryesore në qytetin e Korcës.

Në fakt këtu është edhe një qera maramendëse që vjen për këtë cift i cili zotëron jo pak prona të patundshme. Ngritjen dhe blerjen e tyre, pagesat e detyrimeve në shtet, shifrat qesharake të përdorura dhe gjithcka tjetër do publikohen hap pas hapi.

Kjo shumë parash është ajo që vjen nga pagat, bordet apo dhe qeratë. Këto shuma parash janë ato që cifti i mer nga taksat e korcarëve dhe shqiptarëve. Të cilët paguajnë jo pak por plot 44 milion lekë në vit për dyshen Tarë ? Prifti. I pari drejtor prej 23 vitesh në UKK, e dyta kryetare gjykate në mandatin e dytë duke u bërë pjesë e aferave politike dhe kulisave në institucionet e drejtësisë, fakte të cilat do i radhitim në materialet në vijim.

Shuma 44 milionë është ajo zyrtare, është e pastra dhe ligjorja për vitin 2013, është ajo që ata përfitojnë nga taksat e paguara prej qytetarëve.  Në këtë shumë nuk përfshihen ato ankesa që sjellin qytetarët në redaksinë tonë, ku flitet për miliona e miliona lekë për gjyqe apo vendime të ndryshuara, për para nën dorë dhe afera të Petrit Tares. Këto ne nuk mund ti publikojmë dhe nuk mund të akuzojmë askend, pasi qytetarët duhet ti drejtohen prokurorisë për hetime dhe nuk mund të mjaftohen vetëm me informacione anonime.

Ne si media do vazhdojmë invetigimet tona dhe do publikojmë cdo informacion por pasi të jetë verifikuar dhe të jetë i plotë si në rastin konkret apo në denoncimet e mëtejshme për pasuritë e paluajshtshme të dyshes milionere të pasuruar në mënyrë maramendëse nga shfrytëzimi i posteve publike.

Elvi FUNDO





Lajmet e fundit nga