E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

"Inceneratori si krematorium"/ Boçi: A duhet heshtur kur na kanë dënuar me vdekje?

29 Prill 2023, 16:41, Denoncim CNA

"Inceneratori si krematorium"/ Boçi: A duhet heshtur kur na

Inceneratori i Elbasanit ndodhet në remont prej disa muajsh për shkak të defekteve teknike.

CNA ka denoncuar se inceneratori i Elbasanit nuk është funksional shumë kohë më parë dhe kjo gjë është konfirmuar edhe nga kryebashkiaku i Elbasanit, Gledjan Llatja.

Gjatë kësaj kohe, mbetjet urbane në Elbasan po dërgohen në një venddepozitim të paligjshëm buzë lumit Shkumbin, ku edhe po digjen.

Deputeti i PD-së, Luçiano Boçi ka denoncuar sërish këtë aferë duke i mëshuar edhe efekteve negative që djegia e plehrave në këtë incenerator sjellë tek qytetarët.

Ai ka theksuar edhe fazat në të cilat duhej të zhvillohej procesi i rregullt i incenerimit të mbetjeve.

"Inceneratori si krematorium

A duhet heshtur kur na kanë dënuar me vdekje?

Në shkurt 2018, Inxhinierët e mjedisit dhe ekspertë të përpunimit të mbetjeve, Stefan Schatz dhe Lulzim Baumann treguan tragjedinë njerëzore që pritet të ndodhë nga mostrat e djegies së plehrave në Elbasan, Fier dhe Tiranë.

Lulzim Baumann (Zela) ka hartuar studimin shkencor mbi importin e mbetjeve në Shqipëri. Inxhinieri Stefan Schatz ka planifikuar ndërtimin e pjesës më të madhe të landfilleve në jug të Gjermanisë.

Takimi ku u shpalosën këto fakte u organizua nga Organizata Kundër Importit të Plehrave. Sipas inxhinierit gjerman, studimi i bërë në bashkëpunim me Agjencinë Kombëtare Gjermane të Mjedisit, me Transparency International dhe Zero Ëaste Europe rendit 5 pika kryesore pse kjo masakër duhet të ndalohet.

Ekspertët e shoqatës se ricikluesve në Gjermani “German RETech Partnership” kanë zhvilluar një koncept me 5 faza në të cilët zhvillohet menaxhimi i mbetjeve. Bazuar në vlerësimin e Komisionit Evropian konkluzioni është që Shqipëria është akoma në fazën e parë të menaxhimit të mbetjeve.

Faza e parë është depozitimi i pakontrolluar. Mbledhja e materialeve për riciklim bëhet së shumti në mënyrë formale pa i respektuar parimet themelore të higjenës dhe ruajtjes se mjedisit.

Faza e dytë është edhe faza ku fillon rregullisht menaxhimi i mbetjeve. Grumbullimit sistematik, në mënyrë të rregulluar dhe të besueshme dhe vendosja e deponive të menaxhuara siç duhet përbëjnë hapin e parë në zhvillimin e sektorit të menaxhimit të mbeturinave…

Faza e tretë përfshin grumbullimin e ndarë të mbetjeve.

Faza e katërt përfshin zgjerimin e industrisë së riciklimit, prodhim gazi dhe çfarë mbetet shkon në incineratore.

Faza e pestë është ekonomia rrethore ku mbetja konsiderohet si burimi ku pjesa më e madhe riciklohet, pjesa që mbetet përdoret për rikuperim energjie dhe vetëm mbetjet e padjegshme dhe hiri shkon në landfil", shkruan ai në një postim në rrjete sociale./CNA.al