web counter
LEXO PA REKLAMA!

SHKARKO APP

App Store
Google Play

E fundit!

x

Denoncimi i PD-së/ Anëtari i listës së Këshillit Bashkiak të Durrësit, i përfshirë në dosjen hetimore të Bulqizës

29 Prill 2023, 15:40, Denoncim CNA

Denoncimi i PD-së/ Anëtari i listës së Këshillit

Sekretarja e Marrëdhënieve me Publikun e PD-së, Jola Hysa, tha se Partia Socialiste nuk i ndalon lidhjet e saj me personat e inkriminuar as në këto zgjedhje vendore.

Hysa ka denoncuar anëtarin e Këshillit Bashkiak të Durrësit, Munir Konesha, i cili është pjesë e dosjes hetimore të Bulqizës, ku i dënuar është edhe ish-kryetari Lefter Alla.

Ndër të tjera, ajo ka deklaruar se Munir Konesha është aksioner me 80% bashkë me Aqif Koneshën te "2 AF ALBANIA GROUP", kompani, e cila ka përfituar tendera nga Bashkia Tiranë dhe Durrës.

"Partia Socialiste ka treguar se lidhjet me personat e inkriminuar nuk i shkëput dot asnjëherë, as kur ishte e vetme në zgjedhjet e kaluara vendore, por as tani. Rezulton se personi i renditur i pesti në listën e kandidatëve për anëtarë të Këshillit Bashkiak në Bashkinë e Durrësit, Munir Konesha, është pjesë dosjes hetimore të Bulqizës, ku i dënuar është edhe kryetari i Bashkisë Bulqizë, Lefter Alla, që ndodhet aktualisht në burg. Kryetari i Bashkisë së Bulqizës, Lefter Alla, i cili është arrestuar nga SPAK-u në një lokal me Aqif Koneshën dhe Lefter Allën, ndërsa kanë faktuar dhe udhëtimet e tyre jashtë vendit. Nga hetimet rezulton se '2AF' kompania e Aqif Koneshës është skualifikuar fillimisht nga gara, dhe pas disa kohësh rezulton se ka bërë bashkim kompanish, duke u shpallur dhe fituese për të realizuar punimet në ujësjellësin e Bulqizës dhe rrjedhimisht, duke fituar tenderin 3 milionë eurosh. Në dosje thuhet se Lefter Alla përdorte dhe makinat e Koneshës për të udhëtuar, një prej të cilave ishte e markës 'Range Rover' me targa AA009XH.

Kompania '2 AF ALBANIA GROUP' është në pronësi të Munir Konesha 80% të aksioneve dhe Aqif Konesha me 20% të aksioneve. Kjo faktohet nga të dhënat e regjistruara të biznesit në QKB. Referuar të dhënave zyrtare të Open Corporates.al rezulton se:

Ortak themelues i shoqërisë është Aqif Konesha me 100% të kapitalit.
Më datë 11.06.2016, me anë të kontratës së dhurimit, Aqif Konesha dhuron 80% të kuotave në favor të ortakut të ri, Munir Konesha. Aqif Konesha mbetet me 20% të kuotave.

III. Më datë 21.07.2016, me anë të kontratës se dhurimit, Munir Konesha dhuron 49% te kuotave ne favor te shoqerise 'Fabrika e Pasurimit të Kromit Bulqize' (ish-Tenestia). Pas dhurimit të kuotave, Munir Konesha bëhet ortak me 31% te kapitalit.

Më datë 04.08.2021, me anë të kontratës së dhurimit, shoqëria 'Fabrika e Pasurimit të Kromit Bulqizë' (ish-Tenestia) dhuron 49% të kapitalit në favor të Munir Konesha. Pas dhurimit të kuotave, largohet ortaku shoqëria 'Fabrika e Pasurimit të Kromit Bulqizë' (ish-Tenestia), ndërsa Munir Konesha bëhet ortak me 80% të kapitalit.

Nga hetimet rezulton se Lefter Alla, në 16 prill 2021, ka udhëtuar jashtë vendit me makinën e kompanisë '2 AF ALBANIA GROUP'. Në 9 mars 2020, Alla ka udhëtuar jashtë vendit bashkë me Aqif Koneshën, me makinën e këtij të fundit. Pra, dokumentet tregojnë se si një person i përfshirë në një dosje në hetim është kandidat për anëtar të Këshillit Bashkiak në qytetin e Durrësit, nën logon e Partisë Socialiste. Jo vetëm kaq, por të dhënat nga dega e thesarit tregojnë se kjo kompani ka përfituar tendera nga Bashkia e Durrësit, por edhe në Tiranë. Në total rezulton se janë kryer 118 transaksione në vlerën 182,929,434.00. Dy transaksionet e fundit janë kryer në datën 22 shkurt të këtij viti. Pra, lidhjet dhe përfitimet e kësaj kompanie, ku 80% të aksioneve e ka në zotërim Munir Konesha ka përfituar para nga taksat e shqiptarëve prej kohësh, ndërsa tani kërkon një karrige në Këshillin Bashkiak të qytetit bregdetar. I bëjmë thirrje KQZ-së të bëjë detyrën dhe të kontrollojë statusin juridik të Koneshës. Kandidatët që po hetohen nga drejtësia duhet të terhiqen nga gara, ose të përjashtohen nga gara derisa të sqarojnë raportin e tyre me ligjin", tha ajo./CNA.al





Lajmet e fundit nga