web counter
LEXO PA REKLAMA!

SHKARKO APP

App Store
Google Play

Abuzimet me aferën e “check up”-it që lanë pa shërbim pensionistët

2 Janar 2024, 18:00, Denoncim CNA

Abuzimet me aferën e “check up”-it që lanë pa

Abuzimi dhe skandalet me “check up”-et kanë qenë shpesh pjesë e denoncimit të mediave që prej fillimit të kësaj skeme.

Nuk kanë qenë të pakta shkrimet edhe në CNA për “check up”-et, një nga aferat korruptive të qeverisë Rama, për të cilën nuk mungoi propaganda, por hetimet nxorën krejt të kundërtën. Kjo është nga dosjet, e cila po hetohet nga prokurorët e SPAK-ut dhe sigurisht priten zhvillime në të ardhmen.

Në këtë aferë dëgjuan edhe çudira, gra me prostatë apo analiza të pakuptimta.

Më herët CNA ka verifikuar të dhënat nga disa qytetarë që pretendonin se mjekët e familjes ishin lidhur me laboratorët dhe funksionojnë si punonjës të tyre.

Rastet ishin në Elbasan, Tiranë, Korçë, Fier, etj.

Fillimet e koncesionit

Fillimisht, kur u miratua koncesioni për “check up”-et, ky shërbim ofrohej për moshat 40-75 vjeç.

Qeveria trumbetoi si sukses “check up”-et dhe më pas deklaroi uljen e fashës së moshës që do të përfitonin kontrollin bazë falas, fasha u ul në moshat 35-70 vjeç. Ndërsa personat mbi 70 vjeç filluan të kishin probleme me analizat e tyre, pasi ata nuk mund të regjistroheshin më në sistem.

Hetimet e prokurorisë:

Prokuroria e Posaçme kundër Krimit të Organizuar dhe Korrupsionit është duke vijuar hetimet për koncesionin e “check up”-it.

Për këtë dosje, në fillim të muajit gusht SPAK ka thirrur rreth 70 të moshuar nga listat e “check up”-eve.

Ata u morën në pyetje për kohën kur i kanë kryer shërbimet mjekësore dhe për qendrat në të cilat i kanë kryer ato.

Kujtojmë se për koncesionin e “check up”-eve hetimet kanë nisur para 3 viteve dhe po vijojnë ende.

Ndërkohë, më 18 korrik të 2022-shit, SPAK mori dëshminë e ish-ministrit të Shëndetësisë, Ilir Beqaj, për këtë çështje.

Gjithashtu, një vit më parë është marrë në pyetje disa herë edhe ish-zv.ministri i Shëndetësisë, Klodjan Rrjepaj.

Sipas KLSH, vetëm nga koncesioni i “check up”-it janë rreth 930 milionë lekë për shërbime të pakryera deri në vitin 2018, ndërsa për koncesionin e hemodializës shuma arrin në 352 milionë lekë për periudhën 2016-2020. Në total janë rreth 1.3 miliardë lekë, ose 10.5 milionë euro. Për “check up”, fondi ka paguar numrin e rasteve sipas projeksionit./ CNA





Lajmet e fundit nga