web counter
LEXO PA REKLAMA!

SHKARKO APP

App Store
Google Play

E fundit!

x

“Shko në gjykatë e prokurori”/ Borxhi që u kthye në konflikt me ndërtuesin

21 Dhjetor 2023, 21:21, Denoncim CNA
“Shko në gjykatë e prokurori”/ Borxhi që u kthye
Foto ilustruese

Për problemin e qytetarit Robert Çaushi me ndërtuesen Marigo Kushi, emisioni “Stop” në Tv Klan kontaktoi këtë të fundit e cila pohon se ka një leje të re por shprehet se do e bisedojë me avokatin nëse duhet të firmosë një tjetër kontratë me qytetarin.

Gazetarja e telefonon, i prezantohet Marigo Kushit, i shpjegon motivin e telefonatës si dhe i kërkon arsyen pse ka ngecur çështja e qytetarit.

Marigo Kushi: Nuk kam pse të bëj ndryshim të kontratës, aneks kontrate kur kontrata është ligjore dhe nuk lëviz. Jo që është bërë në 2010, por edhe në 2000-shin të jetë bërë, ajo është kontratë ligjore.

Gazetarja:Po ju keni marrë një leje ndërtimi të re.

Marigo Kushi: Po, kam marrë leje.

Gazetarja:E keni detyrim që t’ia firmosni atë kontratë sipërmarrjeje përderisa, por sot ju jeni me një leje ndërtimi të re.

Marigo Kushi: Nuk e di! Ta diskutoj me avokatin. Ka avokat kompania.

Gazetarja: Po, avokat ka, por duhet të diniqë duhet t’ia firmosni kontratën e sipërmarrjes duke qenë se leja e ndërtimit ka mbaruar, pra ajo kontratë sipërmarrjeje që ju keni bërë në 2012 mos gaboj, është e pavlefshme sot.

Marigo Kushi: Çfarë problemi ka këtu, kur objekti po ndërtohet? Do bëhet kolaudimi, do dalë hipoteka. Asnjë klient tjetër nuk më ka… Nuk kam vetëm Bert Çaushin, unë kam shumë klientë.

Gazetarja:Po, por ju jeni në detyrim ndaj këtij klienti dhe ky duhet të sigurohet për ato apartamente që duhet të fitojë.

Marigo Kushi: Ok, gjithsesi! Dëgjo Viola! Unë do flas me avokatin e firmës dhe do të marr në telefon të të jap një përgjigje të saktë.

Në bisedën e dytë me zonjën Kushi, ajo pretendon, se leja është e rifreskuar dhe jo e re, ndaj nuk ka ndërmend të bëjë kontratë tjetër me klientin e saj. Por në fakt edhe në këtë rast duhet të bëhet një rifresim, aneks kontrate me afatet aktuale në mënyrë që të vazhdohen veprimet në kadastër.

Marigo Kushi: U konsultova dhe nuk e quaj fare të arsyeshme për të bërë aneks kontrate. Nëse klienti ka pikë dyshimi, ka gjykatë, prokurori.

Gazetarja:Pse nuk e quani të arsyeshme?

Marigo Kushi: Nuk e quaj të arsyeshme të bëj një aneks kontrate në një kohë që unë kam një kontratë ligjore bazë të 2010-ës.

Gazetarja: Ajo është leje e vjetër.

Marigo Kushi: Me të njëjtën leje, vetëm kemi bërë një rifreskim të gjërave sepse ashtu na kanë ndodhur dhe ne problematikat.

Gazetarja: Po ju më thatë që ne kemi leje të re ndërtimi.

Marigo Kushi: Nuk është leje e re. Është leja ekzistuese dhe u rifreskua me nr. protokolli tjetër.

Gazetarja: Kur ju ka mbaruar leja e 2012-ës?

Marigo Kushi: Brenda afateve!

Gazetarja: Kur?

Marigo Kushi: Ishte një ditë patjetër, Viola.

Gazetarja: Sepse nga 2012 deri në 2020 kur keni marrë lejen e re të ndërtimit, nuk të jepet leja 7 vite ty.

Marigo Kushi: Nuk e quaj të arsyeshme që ta bëj,  kaq.

Gazetarja: Më thatë se keni zgjatim të lejes së ndërtimit.  Atëherë pse nuk mundet ky të bëjë një veprim në kadastër nëse ju pretendoni se është zgjatje?

Marigo Kushi: Mos ta bëjë, sic nuk e bëjnë gjithë klientët!

Gazetarja: Siç nuk e bëjnë, por të tjerët i kanë blerë me dëshirë kurse ky i ka marrë nga halli ato./tvklan.al





Lajmet e fundit nga