web counter
LEXO PA REKLAMA!

SHKARKO APP

App Store
Google Play

E fundit!

x

Denoncimi- 49 familje të dëmtuara nga tërmeti/ Banorët e Zall Herit, të rrezikuar nga shtëpitë e shkatërruara

6 Maj 2023, 10:52, Denoncim CNA

Denoncimi- 49 familje të dëmtuara nga tërmeti/ Banorët e

Zëdhënësja e fushatës së kandidatit të koalicionit “Bashkë Fitojmë” për Tiranën, Silvi Bardhi ka denoncuar mungesën e shtëpive të banorëve të Zall Herit.

Bardhi thekson se 49 familjeve të dëmtuara nga tërmeti në Zall Herr dhe 8 muaj më pas banorët jetojnë ende të rrezikuar nga shtëpitë e shkatërruara

Bardhi ka intervistuar dhe një banor të zonës z. Bashkim Meta , i cili gjatë bisedës thekson se asnjë prej banorëve nuk ka përfituar bonus qeraje,  madje familjet jetojnë në kushte të rënda ekonomike.

 

Biseda e plotë

Denoncimi- 49 familje të dëmtuara nga tërmeti/ Banorët e

Silvi Bardhi: Ndodhem në Zall Herr së bashku me zotin Bashkim Meta. Arsyeja përse jemi këtu është se në datën 9 shtator të vitit 2022 janë inauguruar 49 shtëpi për familjarët të cilët pësuan nga tërmeti. Ata do duhet që të merrnin çelësat menjëherë pas inaugurimit, por 8 muaj pas inaugurimit ata nuk janë në këto shtëpi të reja, por vazhdojnë dhe qendrojnë në shtëpitë e shkatërruara. Për këtë do flasim me zotin Bashkim. Zoti Bashkim si qëndron e vërteta?

Bashkim Meta: Po e vërteta është që më 9 shtator të vitit të kaluar këto shtëpia u inauguruan, ka ardhur kryeministri, të gjithë banorët, një festë e madhe këtu a thu se kishte bo, se ça kishte bo. As Enver Hoxha më Shkodër nuk e kishte bo këtë punë. Edhe ne u gëzuam normalisht, për arsye se dhe bashkëfshatarët tanë do merrnin shtëpitë, ata akoma dhe sot e kësaj dite nuk I kanë marrë.

Silvi Bardhi: Ku rrinë ata tani?

Bashkim Meta: Në ato të plasaritmet atje, shtëpitë atje. I lanë me qira që kur ra tërmeti deri para dy muajsh, që ra 4.6  a 7 ballë diçka kështu, që shkoi dhe policia dilni nga shtëpia, se po ti zinte brenda shtëpisë. U habitëm se me çfarë, se çfarë guximi kanë këta.

Silvi Bardhi: Përse nuk janë dhënë çelësat mendoni ju për 8 muaj këtyre banorëve?

Bashkim Meta: Këto çelësa nuk janë dhënë vetëm për arsye të votës.

Silvi Bardhi: Që do të thotë?

Bashkim Meta: I rrejtën, do i merrni para vitit të ri, do i merrni më 6, do i merrni më 10. I sjellin vërdallë, vërdallë. Vështirësia më e madhe, tallen.

Silvi Bardhi: Ju dyshoni se janë mbajt vetëm për vota?

Bashkim Meta: Vetëm për vota. Absolutisht nuk ka asnjë arsye tjetër. Ja shikoje, ja shikoni. Madje unë një rast, mbase nuk duhet ta tregoja. Vijnë natën duke bërë xhiro, me makina domethënë. Nejse kjo është pjesë tjetër, llapmat janë të thyme I kanë vënë tani si duket, megjithatë nuk prish punë ajo llampa. Po shikoni shtëpitë. Inaugurimi, janë mbaru që në korrik këta, para një viti u mbush viti që ka mbaru. Por inugurimi është bërë që më 9 shtator, televizionet e kanë nxjerrë, është thënë edhe ti gëzoni shtëpitë. Është thënë nga Edi Rama edhe Erion Veliaj.

Silvi Bardhi: Këto shtëpi kanë emrat e pronarëve, janë të vendosur personat?

Bashkim Meta: Do hidhen goglat, e ke parasysh.

Silvi Bardhi: Akoma nuk është hedhur shorti?

Bashkim Meta: Jo, jo nuk janë hedhur goglat. Do hidhen goglat me sa më kanë thënë se i kam pyetur, do hidhen goglat me numër, çelësi psh numri 1 kujt t'i takojë. Po janë 49 familjarë që do vijnë këtu, por nuk e dinë çfarë shtëpi ju takon.

Silvi Bardhi: Kjo është pra e vërteta në lidhje me inaugurimin që ka bërë qeveria, por përgjegjësinë kryesore e ka bashkia e Tiranës, e cila nuk po funksionon siç duhet dhe në këtë moment që ne flasim janë 49 familje, qindra familjarëtë cilët jetojnë ende në shtëpi të shaktërruara nga tërmeti dhe këto shtëpi të reja qëndrojnë të pabanuara.





Lajmet e fundit nga