LEXO PA REKLAMA!

SHKARKO APP

Inceneratori i Elbasanit mbulon qytetin me smog/ Fillon nisma “Fike Plehrën!”

2 Maj 2023, 18:05, Denoncim CNA

Inceneratori i Elbasanit mbulon qytetin me smog/ Fillon nisma “Fike

Dita-ditës po denoncohet me fakte afera korruptive e inceneratorëve. Inceneratori i Elbasanit është një nga 3 inceneratorët që ka marrë miliona euro nga taksat e shqiptarëve, por vijon të denoncohet çdo ditë për “masakrën” mjedisore që po shkakton.

Kandidati i PD-së për Elbasanin, Luçiano Boçi denoncon se sa herë ndizet inceneratori, qyteti mbulohet me tymin e djegies dhe hirin e zjarrit.

Ai shprehet se inceneratori është ndezur për fushatë dhe qytetarëve të Elbasanit po i rrezikohet jeta.

Ndaj ai kërkon që qytetarët t’i bashkohen thirrjes së tij “Fike Plehrën!” për të kërkuar fikjen e inceneratorit të Elbasanit.

Inceneratori i Elbasanit ishte Monstrumi i parë i një plani mjedisor makabër. E mira është se e vërteta dalëngadalë po zbardhet. E keqja është se autorët, duke qenë në pushtet, duan të mbrohen duke shtyrë përpara një plan ku Elbasani konsiderohet ekologjikisht i vdekur dhe krejt i pavlerë.

Ndezja e Inceneratorit në kushtet siç është, e bën planin e tyre një realitet. Ata e dinë se inceneratori shpërndan gjerësisht kancer, si me tymin e djegies ashtu edhe me hirin e zjarrit. Ne e marrim këtë kancer nga ajri dhe nga ujërat, por tashmë edhe nga bimët e mbjella në Jagodinë, Kuqan dhe nga fusha më pjellore që kemi.

Kur inceneratori ndizet, Elbasani është një krematorium dhe ne jemi të dënuarit e tij. Tani ai është ndezur për fushatë. Dhe ne jemi në një rrezik real për jetën dhe shëndetin!

Paturpësisht, njeriu që vjen t’i fyejë elbasanllinjtë në shtëpinë e tyre, ka guximin që ta ndezë këtë armë të shkatërrimit në masë si shenjë të punës së mirë që ka bërë në shfarosjen e tyre. Në fakt është i njëjti që ka detyruar mbi 30% të popullsisë të ikin nga sytë këmbët, nga Shqipëria dhe nga Elbasani.

Logjika e veprimit të tij për shfarosjen e shqiptarëve, në Elbasan është dëshmuar solide.

Tani që flasim, po thithim kancer në vend të ajrit, uji që na arrin është i ndotur, ushqimet që blejmë janë “spërkatur” me helmet e inceneratorit – sepse na qeveris një i papërgjegjshëm.

Do të ftoja të gjithë qytetarët e Elbasanit që t’i bashkohen thirrjes sime “FIKE PLEHRËN!” dhe të postojnë në profilin e tyre në mediat sociale këtë foto...

Pas zgjedhjeve, flasim. Tani Inceneratori duhet të fiket. Menjëherë!”, shkruan ai ndër të tjera./ CNA.al

Lajmet e fundit nga