Qeveria gjermane miraton masa të reja drastike për kursimin e energjisë

31 Gusht 2022, 21:26, Blog William Nehra

Qeveria gjermane miraton masa të reja drastike për kursimin e

Foto ilustruese

Nga ndalimi për ngrohjen e pishinave private, tek dyqanet që detyrohen të mbyllin dyert për të parandaluar daljen e nxehtësisë, ja gjithçka që duhet të dini për rregulloret e reja të kursimit të energjisë në Gjermani:

Rregulla të reja të kursimit të energjisë futen për banorët gjermanë

Ndërsa Gjermania po nxiton që të sigurojë sa më shpejt furnizimet e saj me gaz për dimrin që po vjen, dhe në kushtet kur çmimet e energjisë vazhdojnë të rriten, disa qytete gjermane kanë filluar zbatimin drastike të masave të kursimit të energjisë si fikja e dritave në muzeume dhe monumentet e kulturës, dhe deri tek rregullimi i temperaturës në zyra. Ndërkohë qeveria gjermane nuk është mjaftuar me kaq, teksa së fundmi ka hartuar dhe miratuar disa rregulla që duhet të zbatohen edhe nga banorët, bizneset dhe institucionet e tjera publike. Edhe këto rregulla fokusohen tek ulja e konsumit të energjisë elektrike, pasi gazi në vend përdoret zakonisht për të prodhuar energji elektrike.

Zëvendës/kancelari gjerman, Robert Habek, ka bërë thirrje për unitet në të gjithë shoqërinë gjermane për të kapërcyer krizën e rëndë energjetike të shkaktuar nga lufta e Rusisë në Ukrainë.

“Ne po përballemi me një përpjekje mbarëkombëtare për ta përballuar këtë sfidë të madhe, dhe ajo ka nevojë për një ndërveprim të fortë midis shtetit, biznesit dhe shoqërisë; midis qeverisë federale, shteteve, autoriteteve lokale, partnerëve socialë, sindikatave, shoqatave dhe shoqërisë civile”- deklaroi Habek sipas një njoftimi për shtyp të shpërndarë nga qeveria gjermane.

“Çdo kontribut i gjithsecilit ka rëndësinë e tij!”- theksoi Habek.

Zëvendës/kancelari gjerman, Robert Habek

Rregullat e reja që ka vendosur Gjermania për kursimin e energjisë në vend

Masat e reja janë miratuar në kuadër të dy urdhëresave, ku që të dyja bazohen në Aktin e Sigurisë Energjitike. Urdhëresa e parë do të hyjë në fuqi në fillim të shtatorit, dhe fillimisht do të zbatohet për 6 muaj. Ajo përfshin masat e mëposhtme:

Qiramarrësit në Gjermani kanë më shumë hapësirë për të kursyer energji, si për shembull uljen e ngrohjes përtej temperaturës minimale të përcaktuar

Ndalohet ngrohja e pishinave private me gaz apo energji elektrike

Zyrat në ndërtesat publike do të ngrohen vetëm deri në 19 gradë Celsius. Nëse është e mundur, sallat dhe korridoret nuk duhet të ngrohen.

Godinat publike (me përjashtim të spitaleve dhe qendrave të tjera të kujdesit), do të kenë në dispozicion vetëm ujë të ftohtë për larjen e duarve.

Monumentet dhe objektet publike do të mbeten në errësirë gjatë natës.

Kompanitë ofruese të energjisë dhe pronarët e tyre, duhet t’i informojnë klientët mbi mënyrat e kursimit të energjisë, dhe të bisedojnë me ta për kostot e energjisë.

Sistemet e reklamave elektronike nuk mund të përdoren nga ora 22:00 e mbrëmjes deri në orën 16:00 të ditës pasardhëse. Ky urdhër nuk zbatohet për dritat që përdoren për sigurinë rrugore apo për rreziqe të tjera të mundshme, si p.sh sinjalet reklamuese në stacionet e pritjes së pasagjerëve.

Dyqanet duhet t’i mbajnë dyert mbyllur për të shmangur daljen jashtë të të ngrohtit.

Qeveria gjermane miraton masa të reja drastike për kursimin e

Masa të mëtejshme do të miratohen shumë shpejt

Pas miratimit nga qeveria, paketa e dytë e masave të kursimit të energjisë duhet të miratohet nga parlamenti gjerman. Ajo do të qëndrojë në fuqi të paktën deri në vitin 2024, dhe do të kërkojë inspektimin e vazhdueshëm të sistemeve të ngrohjes me gaz, si dhe zëvendësimin e sistemeve joefikase.

Po kështu ajo do të kërkojë nga kompanitë që përdorin më shumë se 10 Gigavat energji në vit që të bëjnë transparente cilat do të jenë masat e tyre të kursimit të energjisë. Një tjetër urdhëresë e hartuar nga Ministritë e Ekonomisë dhe Transportit është miratuar gjithashtu nga kabineti qeveritar. Ajo i jep përparësi transportit të energjisë përmes linjave hekurudhore për të siguruar vazhdimin e funksionimit të termocentraleve dhe rafinerive./ “Iamexpat” - Përkthyer dhe përshtatur nga CNA.al