web counter
LEXO PA REKLAMA!

SHKARKO APP

App Store
Google Play

E fundit!

x

Zjarri në Malin e Thatë/ Kolefski: Situata problematike, sot nuk kemi pasur ndërhyrje nga ajri

16 Gusht 2024, 15:27, Aktualitet CNA

Zjarri në Malin e Thatë/ Kolefski: Situata problematike, sot nuk kemi

Prej 12 ditësh vijon të mbetet aktiv zjarri në Malin e Thatë dhe Parkun Kombëtar të Prespës.

Pavarësisht ndërhyrjes nga ajri gjatë dy ditëve të fundit, situata vijon të jetë emergjente, kjo edhe për shkak të temperaturave të larta, erës dhe bimësisë së thatë që përhapin flakët me shpejtësi.

Kryetari i Bashkisë së Pustecit, Pali Kolefski, tha këtë të premte se situata është e qetë gjatë paradites, por nga mesdita dhe në vazhdim, flakët marrin përmasa edhe më të mëdha.

“Më problematike gjendja është në majën e Malit të Thatë, në vendin e quajtur Pllaja e Pusit, ku terreni i thyer vështirëson ndërhyrjen e forcave. Në terren sot janë 25 forca të ushtrisë, por edhe shërbimit zjarrfikës të bashkisë dhe Zonat e Mbrojtura.

Jemi në komunikim të vazhdueshëm me Emergjencat Civile të cilave u kemi kërkuar që edhe sot të vazhdojë ndërhyrja nga ajri, por për momentin që avionët janë në Malin e Tomorrit dhe kur të ketë hapësirë do konsiderohet edhe ndërhyrja në Prespë. Në Parkun e Prespës vatrat janë të vogla, por mbeten shqetësim vatrat e zjarrit përgjatë kufirit me Maqedoninë e Veriut, të cilat janë përhapur edhe në Parkun e Galiçicës dhe rrezikojnë si zonat pyjore të Pogradecit ashtu edhe të Bashkisë së Pustecit”, deklaroi Kolefski./ CNA





Lajmet e fundit nga