E fundit!

13:48 Aktualitet

Erion Braçe del nga kontrolli/ Shpërthen në të shara ndaj qytetarit: Bthqr, qelbësirë!

Deputeti Erion Braçe është filmuar në hyrje të Kryesisë së...

Atmosferë elektrizuese në Korçë/ Turistë nga Meksika dhe SHBA shijojnë Festën e Birrës

15 Gusht 2024, 23:05, Aktualitet CNA

Një atmosferë elektrizuese është regjistruar edhe në natën e dytë të eventit më madhështor në Korçë. Festa e Birrës bëri bashkë mijëra qytetarë korçarë, turistë vendas e të huaj, të cilët nën tingujt e muzikës live, shijuan atmosferën e mrekullueshme. Korçarët janë ata që nuk mungojnë në asnjë natë të organizimit, që prej natës së djeshme kur u çel festa, duke mbushur plot tavolinat edhe në natën e dytë të saj, me familjarët e miqtë e tyre.

Ata tregojnë për CNA Tv emocionet dhe kënaqësinë e madhe që po përjetojnë në këto orë qëndrimi, duke thënë se janë të mrekulluar nga atmosfera, organizimi, këngëtarët dhe gatimet tradicionale të Korçës.

Nuk kishin si të mungonin edhe vizitorët nga Shkodra, të cilët kanë ardhur për herë të parë, për të shijuar atmosferën e ngrohtë korçare. Dy zonja shkodrane shprehen se janë mjaft të kënaqura nga festa.

Atmosferë elektrizuese në Korçë/ Turistë nga Meksika

“Kemi ardhur nga Shkodra. Atmosfera është shumë e bukur, shumë magjike. Muzika, atmosfera, gjithçka shumë e bukur, shumë të kënaqura”, u shpreh njëra prej tyre.

Vizitorë nga Maqedonia e Veriut kanë qenë të shumtë në këtë event, duke u mbledhur me shoqërinë e duke ardhur enkas për Festën e Birrës. Disa prej vizitorëve nga Struga kanë treguar se janë të mahnitur nga atmosfera, mikpritja e korçarëve, birrat dhe gatimet korçare.

“Nga Struga kam ardhur. Kam qenë dhe më përpara, është i dyti vit. Shumë bukur”, u shpreh njëri prej tyre.

Atmosferë elektrizuese në Korçë/ Turistë nga Meksika

Pjesë e festës është edhe ekipi i vajzave të volejbollit, të cilat së bashku me trajnerin Orlando Koja janë bërë bashkë për të festuar në natën e dytë. Trajneri Koja, i cili prej vitesh ka jetuar në SHBA, tregon se atmosfera në Korçë nuk mund të krahasohet me këtë shtet. Ngrohtësia, mikpritja, gjithçka e bën mjaft të veçantë.

“Festa e Birrës është unike dhe është një kënaqësi për mua pas shumë vitesh kthehem dhe kënaqem kur vij këtu. Ka emocione të veçanta dhe përfshirja e njerëzve është e shkëlqyer. Atmosfera është spektakolare dhe ne vijmë me vajzat e kënaqemi këtu, sidomos këto të huajat me një eksperiencë kulturore, kështu që emocione të bukura”, deklaroi ai.

Atmosferë elektrizuese në Korçë/ Turistë nga Meksika

Elizabeth Sandoval vjen nga Meksika si lojtare e re për ekipin e volejbollit të Skënderbeut, ndërsa gjen rastin nëpërmjet mikrofonit të CNA-së, të shprehë kënaqësinë e madhe që po përjeton në këtë event por edhe në qytetin e Korçës.

"Është hera ime e parë këtu. Jam shumë e emocionuar që jam këtu. Festa shumë e bukur, njerëzit janë shumë të mirë. Unë vij nga Meksika. Ekipi punon shumë fort dhe shpresoj që të vazhdojmë me të njëjtin ritëm për të qenë kampione."

Atmosferë elektrizuese në Korçë/ Turistë nga Meksika

Në natën e dytë atmosfera u ndez nga këngëtarët Rezarta Smaja, Devis Xheraku dhe këngëtari i mirënjohur grek Konstantinos Koufos. Mijëra qytetarë kanë mbushur sheshin e Terminalit të qytetit, atje ku atmosfera i dha një tjetër pamje juglindjes./ CNA