web counter
LEXO PA REKLAMA!

SHKARKO APP

App Store
Google Play

Arrestimi i kryekomisarit/ Ministri Hoxha, me dorë të hekurt ndaj “padronëve” të policisë

16 Gusht 2024, 13:02, Aktualitet CNA

Arrestimi i kryekomisarit/ Ministri Hoxha, me dorë të hekurt ndaj

Ministri i Brendshëm, Ervin Hoxha, ka reaguar për operacionin e AMP-së në bashkëpunim me SPAK-un, nga i cili u arrestua kryekomisari i Durrësit, Gazmir Preçi.

Në reagimin e tij ministri Hoxha shkruan se arrestimi i kryekomisarit është mesazh i qartë për çdo punonjës që hiqet si padron i cilitdo nivel qoftë në rast se tentojnë të cenojnë besimin e qytetarëve te policia.

Hoxha thekson se eksponentë të tillë do të marrin ndëshkimin më të ashpër të ligjit.

"Operacioni i AMP-së, në bashkëpunim me SPAK, është mesazh i qartë për ata punonjës policie të cilitdo niveli qofshin, që do të tentojnë të cenojnë besimin e qytetarëve tek Policia, duke u hequr si padronë të qytetarëve dhe bizneseve, dhe jo si shërbëtorë të ligjit, se do të marrin ndëshkimin më të ashpër ligjor.

Mbështes dhe inkurajoj AMP-në dhe agjencitë e tjera ligjzbatuese, si dhe nxis dhe garantoj qytetarët dhe bizneset të denoncojnë raste të tilla, sepse vetëm bashkërisht arrijmë të realizojmë objektivin madhor, për të pasur një Polici sa më profesionale dhe me integritet të lartë moral e ligjor!", shkruan ministri Hoxha./ CNA





Lajmet e fundit nga