web counter
LEXO PA REKLAMA!

SHKARKO APP

App Store
Google Play

E fundit!

x

Melbourn-i i Australisë po vendos të ndalojë skuterët/ Veliaj i sjell në Tiranë

16 Gusht 2024, 09:49, Aktualitet CNA
Melbourn-i i Australisë po vendos të ndalojë skuterët/
Erion Veliaj, kryebashkiaku i Tiranës

Zyrtarët në qytetin australian të Melbourn-it kanë vendosur që të ndalojnë marrjen me qira të skuterëve elektrikë, duke përmendur shqetësimet e sigurisë pas qindra ankesave dhe raporteve të aksidenteve.

Të martën, këshilli i qytetit të Melbourn-it votoi për t'u dhënë fund kontratave me dy operatorët e tij të e-skuterëve, Lime dhe Neuron, duke u dhënë atyre 30 ditë kohë për të hequr mjetet e tyre.

Spitali Mbretëror i Melbourn-it publikoi një raport në dhjetor të vitit 2023 ku përmendte 256 lëndime të lidhura me skuterin elektronik, duke kërkuar nga shteti që të merrte masat për sigurinë e përdoruesve të e-skuterëve.

Parisi, dikur një nga qytetet më të mëdha të e-skuterëve në Evropë, votoi për të ndaluar skuterët elektronikë me qira në 2023.

Kopenhaga i ndaloi ato në vitin 2020, më pas i rifuti ato vitin e ardhshëm, por me rregulla të reja strikte. Barcelona i ka ndaluar pjesërisht ato në pjesët historike të qytetit që nga viti 2016.

Por këto raporte dhe vendime të vendeve të zhvilluara duket se nuk i bëjnë përshtypje kryebashkiakut Erion Veliaj, i cili i ka sjellë skuetrët pak javë më parë në Tiranë.

Rrugët e kryeqytetit që në pjesën më të madhe të kohës janë të bllokuara nga trafiku dhe pa asnjë korsi të dedikuar për skuterët nuk e pengojnë Veliajn që sjelljen e skuterëve elektrikë ta quajë si risi, ndërkohë që bota po i sheh si rrezik për jetën e qytetarëve duke parë rritjen e numrit të aksidenteve nga këto mjete./ CNA





Lajmet e fundit nga