web counter
LEXO PA REKLAMA!

SHKARKO APP

App Store
Google Play

E fundit!

x

Zjarri në Malin e Thatë/ Flet kryetari i Bashkisë Pustec: Intensiteti i flakëve është ulur

13 Gusht 2024, 09:05, Aktualitet CNA

Zjarri në Malin e Thatë/ Flet kryetari i Bashkisë Pustec:

Kryetari i Bashkisë Pustec, Pali Kolefski, ka folur për situatën e zjarrit në Malin e Thatë.

Sipas Kolefskit janë angazhuar 80 forca për të shuar zjarret. Kryebashkiaku është shprehur se është ulur intensiteti i flakëve.

Kolefski deklaroi se kanë komunikuar me palën maqedonase dhe partnerë të tjerë, të cilët kanë shprehur gatishmërinë për të bashkëpunuar në këtë situatë.

"Sot janë rreth 80 forca, të cilat presin të shkojnë te vatrat e zjarrit. Sot do jetë dita më vendimtare siç parashikojnë edhe specialistët e zonave të mbrojtura dhe zjarrfikëses.

Këtu jemi mbledhur si qark, nga të gjitha bashkitë e qarkut, nga FA, nga zonat e mbrojtura dhe vullnetarë nga fshati Goricë e Madhe.

Në këto momente është ulur intensiteti i flakëve si rezultat i punës intensive të punonjësve që kanë punuar edhe gjatë mbrëmjes. Sipas informacioneve të para mësohet se rreth 5-6 km janë vënë nën kontroll, vijë lineare.

Ne kemi komunikuar edhe me emergjencën civile të Shqipërisë, edhe me palën maqedonase, edhe me partnerë të tjerë të cilët kanë shprehur gatishmërinë, të shpresojmë të mos jetë e nevojshme dhe ta vëmë nën kontroll përfundimisht”,  është shprehur Kolefski./ CNA





Lajmet e fundit nga