web counter
LEXO PA REKLAMA!

SHKARKO APP

App Store
Google Play

E fundit!

x

Çështja e Teatrit Kombëtar/ Kalaja: SPAK-u ka nisur hetimet për Veliajn

12 Gusht 2024, 11:24, Aktualitet CNA
Çështja e Teatrit Kombëtar/ Kalaja: SPAK-u ka nisur hetimet
Adriana Kalaja

Avokatja dhe aktivistja e Aleancës për Mbrojtjen e Teatrit, Adriana Kalaja, ka deklaruar sot para SPAK-ut se Prokuroria e Posaçme ka nisur hetimet për kryebashkiakun Erion Veliaj në lidhje me çështjen e Teatrit Kombëtar.

Kalaja u shpreh se po bëhet gjithçka për të zhdukur opozitën dhe demokracinë.

Avokatja tha se është një rrezik i madh që një bandit si Veliaj të vijojë aktivitetin publik i qetë dhe që çdo ditë që shkon në Bashkinë e Tiranës prodhon vepra penale të reja.

Kalaja shtoi se në sheshin e Teatrit Kombëtar do të ndërtohen kulla për pastrimin e parave.

Aleanca për Mbrojtjen e Teatrit ka kërkuar sekuestron preventive të shoqërisë DC dhe tendering që ka fituar firma e ndërtimit për ngritjen e Teatrit.

Po ashtu SPAK-u ka nisur hetimin edhe për projektin teknik të Teatrit Kombëtar.

“Ne e quajmë rrezik të madh që një bandit me emrin Erion Veliaj vijon aktivitetin e tij publik i qetë, e shikojmë si një rrezik potencial për provat. Çdo ditë që shkon në bashki prodhohen vepra të reja penale. Nisur nga fakti që SPAK në mënyrë korruptive dhe kriminale, nga ana e Edvin Kondilit na ka refuzuar kërkesën tonë për masat dhe sekuestro preventive të shoqërisë Tirana DC apo dhe tenderin që ka fituar një firmë për ndërtimin e teatrit.

SPAK ka nisur hetimet për projektin teknik. Ne nuk kemi në dispozicion këtë projekt, në sheshin e teatrit po ngrihen kullat e pastrimit të parave.

Kemi kërkuar informacion shterues se në ç’fazë ndodhen hetimet në lidhje me teatrin. Janë 60 denoncime që janë bërë, janë në dosje”, tha Kalaja./ CNA





Lajmet e fundit nga