web counter
LEXO PA REKLAMA!

SHKARKO APP

App Store
Google Play

Berisha, akuza: Shteti elektoral po kontrollon vullnetin e qytetarëve

11 Gusht 2024, 20:44, Aktualitet CNA
Berisha, akuza: Shteti elektoral po kontrollon vullnetin e qytetarëve
Kreu i PD-së, Sali Berisha

Kreu i PD-së, Sali Berisha ka deklaruar se shteti elektoral po kontrollon vullnetin e lirë të qytetarëve duke mos i lejuar të votojnë të lirë.

Berisha tha se kjo qeveri po u grabit atyre lirinë e votës dhe si pasojë shqiptarët po largohen nga vendi i tyre si nga një mënxyrë e hatashme.

“Këto ditë mendoja, gjatë diktaturës komuniste çdo 4 vite bëheshin zgjedhje.

Zgjedhjet në mëngjes fillonin me daulle, në darkë me rezultat 99 për qind. Gjatë ditës së zgjedhjeve nuk kishte as edhe një incident. Po në zgjedhje kishte dhoma të fshehta, por njerëzit edhe në fshehtësi e jepnin votën, në kundërshtim të plotë me mendjen dhe zemrën e tyre, e jepnin votën për të keqen, sepse e dinin se ajo kontrollon në çdo qelizë ata.

Atëherë Shqipëria nuk pranonte vëzhguesit e OSBE-së, por sot ata vijnë, vëzhgojnë, vrojtojnë dhe damkosin. Deklarojnë se shteti elektoral kontrollon plotësisht vullnetin e qytetarëve, e megjithë këtë, megjithë eliminim e institucionit të defakto të votës, përsëri diktatura vazhdon.

Të krijohet përshtypja se sot, ngjashëm me vitet ’90, kur Ramiz Alinë përpiqeshin të na e servirnin si Gorbaçovin e Ballkanit, Edi Ramën të na thonë, mbajeni se mirë e keni.Por ky nuk është mendimi juaj, ky është mendimi i atyre që nuk njohin këtë komb, por është mendim edhe i armiqve të kombit shqiptar.Ndaj dhe kjo protestë para së gjithash dhe mbi të gjitha është protestë për votën e lirë.

Kjo protestë është protestë për dinjitetin e çdo qytetari. Nuk ka dinjitet pa lirinë e votës.Kjo protestë është protestë për shpresën dhe të ardhmen. Nuk ka shpresë dhe të ardhme në këtë vend, pa votën e lirë.

U grabit vota dhe shqiptarët ja mbathin nga vendi i tyre, si nga një mënxyrë e hatashme, si kurrë në historinë e tyre.Kjo protestë është thirrje për çdo shqiptar të ngrihet në mbrojtje të kësaj të vërtete themelore për një shoqëri të lirë”, tha Berisha./ CNA





Lajmet e fundit nga