web counter
LEXO PA REKLAMA!

SHKARKO APP

App Store
Google Play

“Tavo, mafioz si Rama”/ Berisha: Nuk keni Kushtetutë, ligj dhe vlera

11 Gusht 2024, 21:53, Aktualitet CNA
“Tavo, mafioz si Rama”/ Berisha: Nuk keni Kushtetutë, ligj dhe
Kreu i PD-së, Sali Berisha

Kreu i PD-së, Sali Berisha ka hedhur akuza ndaj kryebashkiakut të zgjedhur të Himarës, Vangjel Tavo.

Sipas Berishës, Tavo është një mafioz si kryeministri Edi Rama. Lideri i opozitës është shprehur se nuk po respektohet as Kushtetuta dhe as ligji nha lakejtë dhe papagajt e Edi Ramës.

“Shqipëria ka 10-15 burgje në të cilat ai mund të dergjej për krimet e tij. Apo nuk është kështu.

Lakej mjeranë. U hedh nga një kockë Edi Rama dhe shkelmoni çdo parim themelor të një shoqërie të lirë, të një vendi të lirë.

Sipas jush qenka më pak armik Vangjel Tavo. Vangjel Tavo, nëse Beleri ndjehet grek dhe shpreh krenari me qenien e tij greke dhe kjo është normale për njerëz të lirë kudo në botë, Tavo nuk është as grek, as vllah, as sllav, as shqiptar, është mafioz si Edi Rama.

Ju mjeranë që vishni qyrkun e nacionalistit, ndërkohë që jeni në thelb kundër lirisë së shqiptarëve, ju pyes unë ju;  në një vend të lirë a nuk ka të drejtë të zgjidhet çdo qytetar, çdo shtetas i tij në përputhje me ligjin, pavarësisht nga etnia, besimi, përkatësia partiake në çdo post të këtij vendi.

Kjo është atëherë kur kushtetuta dhe rendi respektohen. Kurse ju, nuk keni kushtetutë, ligj, vlera. Ju jeni mjeranë lakej, papagaj të Edi Ramës, të regjimit më të shpërfytyruar të diktaturës më shëmtuar.

Mbushni hapësirën mediatike me trillime dhe mashtrime të turpshme, kriminale. Bëheni krah i mafias që po shfaros shqiptarët në mënyrë paqësore”, tha Berisha./ CNA





Lajmet e fundit nga