web counter
LEXO PA REKLAMA!

SHKARKO APP

App Store
Google Play

E fundit!

x

Mediat: Mbetje të rrezikshme nga Porti i Durrësit drejt Tajlandës, "zhduket" anija

12 Gusht 2024, 23:01, Aktualitet CNA

Mediat: Mbetje të rrezikshme nga Porti i Durrësit drejt

Autoritetet në Tajlandë janë alarmuar për shkak të ngarkesave të nisura nga Porti i Durrësit.

Ata dyshojnë se dy anije të nisura nga Shqipëria me 100 kontejnerë përmbajnë rreth 800 ton mbetje të rrezikshme.

Kjo është denoncuar nga “Basel Action Network”, një organizatë jofitimprurëse me bazë në SHBA që gjurmon tregtinë e mbetjeve toksike.

Kjo organizatë pretendon se kontejnerët janë të mbushur me pluhur të rrezikshëm që grumbullohet nga filtrat e furrave të çelikut.

Njëra prej anijeve iu afrua Cape Town në fund të muajit korrik, por tashmë autoritetet tajlandeze kanë humbur gjurmimin e saj.

Sipas “Bongkok Post”, zyrtarët tajlandezë kanë deklaruar se po punojnë me autoritetet shqiptare dhe ata në Singapor për trafikun e paligjshëm.

Nga ana tjetër, “Bloomberg” deklaron se një anije ishte planifikuar të ankorohej në Cape Town dhe rreth datës 20 gusht do duhej të mbërrinte në Tajlandë.

Për këtë anije ishte bërë një paralajmërim për mbikëqyrje dhe në 31 korrik ajo ka fikur GPS-in dhe vendodhja e saj nuk dihet.

Lidhur me këtë rast, mediat raportojnë se ka nisur edhe një hetim Drejtoria e Doganave, në bashkëpunim me OLAF./ CNA





Lajmet e fundit nga