web counter
LEXO PA REKLAMA!

SHKARKO APP

App Store
Google Play

E fundit!

x

5 mbrëmje magjike në Korçë/ Festa e Birrës, vetëm dy ditë larg

12 Gusht 2024, 15:56, Aktualitet CNA

Festa e Birrës sjell 5 mbrëmje magjike në qytetin e Korçës.

Edhe këtë vit pritet që në “Festën e Birrës” të ketë një pjesëmarrje shumë të madhe qytetarësh.

Të shumtë në numër janë emigrantët që janë kthyer në atdhe, për të shkuar në Korçë, atje ku do të shijojnë ushqim të shijshëm, birrat e markave më të njohura dhe muzikën e përzgjedhur.

Festa do të organizohet te Terminali i Autobusëve, në hyrje të qytetit të Korçës.

Teksa festa po afron, është publikuar edhe promoja e saj. Gjithashtu, janë zbuluar artistët që do të sjellin "ndezin" atmosferën.

Të ftuar specialë për të ndezur atmosferën më 14 gusht, kur do të hapet edhe sipari, do të jenë Xheisara, vëllezërit korçarë Endri dhe Stefi Prifti, si dhe këngëtarja greke Kelly Kelekidou.

Më datë 15 gusht, në natën e dytë do të performojnë artistët e mirënjohur Rezarta Smaja, Devis Xherahu dhe këngëtari grek Kostandinos Koufos.

Një natë e zjarrtë do të jetë edhe ajo e treta e 16 gushtit me artistët Xhesika Polo, Fifi, Luiz Ejlli dhe Niko Dj.

Nata e katërt, 17 gushti do të shoqërohet nga muzika e grupit Offchestra, këngëtares greke Eleftheria Eleftheriou dhe artistit shumë të dashur, Alban Skënderaj.

Ndërkohë, më 18 gusht, që është edhe nata e fundit, do të performojnë Gerta Mahmutaj dhe grupet NRG Band dhe Three Dots.

Hyrja për të pesta netët do të jetë falas.

Tashmë kanë mbetur vetëm dy ditë nga netët e zjarrta, që do të sjellin një superatmosferë në Korçë. Mos i humbisni!/ CNA

5 mbrëmje magjike në Korçë/ Festa e Birrës,





Lajmet e fundit nga