web counter
LEXO PA REKLAMA!

SHKARKO APP

App Store
Google Play

E fundit!

x

Ngjarja në Pogradec/ Flasin tregtarët pranë lokalit: Nuk konfliktohej me njeri

12 Gusht 2024, 13:10, Aktualitet CNA

Ngjarja në Pogradec/ Flasin tregtarët pranë lokalit: Nuk

Punonjësit e bizneseve pranë lokalit ku punonte Egli Proga, 42-vjeçari që u vra në Pogradec pas një sherri për motive të dobëta jashtë lokalit ku punonte, kanë treguar se si e njihnin atë.

Njëra nga punonjëset e një biznesi pranë lokalit ku punonte dhe 42-vjeçari tregon që kishte shumë vite që e njihte dhe thotë se ishte një person i qetë, që nuk konfliktohej me njeri.

"Këtu kam shumë vite dhe me Eglin kam 9 vite punë. Marrim kafet, merrte një gjë, më jep një gjë. Komunikimi, ishte shumë i qetë, s'e kam parë të zihet me njeri, as të ngatërrohet. Edhe komunikimin me të atin e kishte me zë të ulët, shumë qetë. Atë ditë pasdite unë ika, më duhej oferta, më doli punë të merrja djalin.

I kërkova Eglit a e bëri ofertën, më tha jo. Dhe bëmë shaka, i thashë po bëhesh si mua. Dola në dera po rrija, ishte duke kaluar aty dhe e pyeta ç’po bën. Edhe shakatë i kishte të vogla, të pakta, nuk fliste shumë. Ka rastisur që më sillte kafe, edhe motra thoshte sa djalë i mirë.

Kur ika, e lashë mirë, ishte i ati aty, po mbase është larguar për të marrë fëmijët. Shumë djalë i urtë, shumë i qetë. Ngjarjen e mora vesh ditën tjetër kur erdha në punë. Pashë në telefon që kishin hedhur për ngjarjen."

"Lokalin e kishte më tutje, u gjet këtu i vrarë. Djalë shumë i mirë, më ka ardhur shumë keq, natën s’kemi fjetur. Thonë që ambulanca u vonua gjysmë ore, më tha një djalë që vdiq djali i Nazmiut. Është rritur këtu që i vogël."

"Shumë i mirë, djalë i shkëlqyer. Dje e mora vesh. Nuk pashë gjë. Ndihem si për evlatin tim, mjerë ai që e pësoi dhe i ati, e shoqja dhe fëmijët."/ CNA





Lajmet e fundit nga