web counter
LEXO PA REKLAMA!

SHKARKO APP

App Store
Google Play

E fundit!

x

Vendimi i GJK për Ballukun/ Klosi: Një organ që nuk është zgjedhur nga qytetarët nuk mund të pezullojë një ministër

9 Shkurt 2026, 19:42, Aktualitet CNA

Vendimi i GJK për Ballukun/ Klosi: Një organ që nuk

Sekretari i Përgjithshëm i PS-së, Blendi Klosi ka komentuar mbrëmjen e sotme vendimin e Gjykatës Kushtetuese për çështjen “Balluku”.

Në një intervistë për Euronews Albania, Klosi tha se njerëzit prisnin nga Gjykata Kushtetuese një vendim të fundit dhe jo një barazim votash të gjyqtarëve. Ndër të tjera, ai u shpreh se PS nuk do të pranojë që një organ që nuk është i zgjedhur nga qytetarët të pezullojë një ministër.

“Për hir të kronikës nuk ka një vendim të Gjykatës Kushtetuese, por sa i përket raportit me PS-në, ne disa parimeve i qëndrojmë shumë fortë. E para, mbështetja për drejtësinë e re dhe organet e drejtësisë së re dhe atë çfarë drejtësia e re merr vendim.

Diskutimi më i madh është për procedurat, e cila është diçka tjetër. Sa i përket vendimit të Kushtetueses, ne vazhdojmë t’i qëndrojmë fort parimit mbi të cilin pati dhe reagimin Kryeministri, raportin midis institucioneve që është drejtësia në një krah dhe ekzekutivit, për postet që janë të delegueshme.

A mund të pezullohen apo jo? Ky është vendim i qartë për ne, ku ne asnjëherë nuk do ta pranojmë që një organ që s’është i zgjedhur nga qytetarët, të pezullojë një ministër, një funksion të padelegueshëm", tha Klosi. /CNA





Lajmet e fundit nga