web counter
LEXO PA REKLAMA!

SHKARKO APP

App Store
Google Play

Shtyhet seanca për dosjen “Partizani”/ Malltezi pas daljes nga GJKKO: Tregova si Rama ka personalizuar VKM për Bollinon

9 Shkurt 2026, 15:46, Aktualitet CNA

Shtyhet seanca për dosjen “Partizani”/ Malltezi pas daljes nga

Seanca për dosjen “Partizani” në Gjykatën e Posaçme është shtyrë për në datën 23 shkurt, në orën  10:00. Dhëndri i kreut të PD-së, Sali Berishës, Jamarbër Malltezi ka folur për mediat pas përfundimit të seancës gjyqësorë për dosjen “Partizani”.

Malltezi u shpreh se në seancë ka treguar se si kryeministri Edi Rama ka personalizuar VKM, 4 prej tyre për Carlo Bollinon.

“Janë VKM të personalizuara nga Edi Rama, dy për vëllain e tij, 4 për Carlo Bollinon. Këto të gjitha i këmi dëshmuar me foto dhe me harta. Nuk ka mbaruar, ka qenë goxha e gjatë. Kemi treguar gat 170 faqe material, kemi dhe 25 faqe material që do ti tregojmë në seancën tjetër . Kemi prokurorin si Arben Kraja paraqet aty sikur ka përfituar tokë turistike në Gjirin e Lalzit vetëm 5 euro për metër katror.  Kishte sa të donin nga këto elementët grotektë që tregonin qartë se kishin të bënin me gënjeshtra. Treguam edhe gënjeshtrat që kishin të bënin me planin e përhapjes, ka edhe gënjeshtra me cilësimet ligjore, si gjyqtarët e lartë kanë rënë në batakun e prokurorëve politikë. Ka me dhjetëra e me dhjetëra, një pjesë të tyre e kemi bërë publike, një pjesë po e bëjmë si botim. Brenda 4 ditësh do dalë si libër që do e kenë të gjithë bibliotekat. Është një rast i bukur për gjithë studentët e juridikut dje pedagogët të shohin se ku mund të rrëshkasi drejtësia politike dhe ku mund të përdoren gjyqatrët dhe prokurorët për qëllime politike”, tha Malltezi.

Kujtojmë se në Gjykatën e Posaçme ka nisur gjykimi me themel për dosjen “Partizani”. Seanca e sotme u shoqërua me debate mes trupës gjykuese dhe Jamarbër Malltezit. Debate që janë bërë për shkak të mënyrës se si Malltezi i është drejtuar prokurorëve. /CNA





Lajmet e fundit nga