web counter
LEXO PA REKLAMA!

SHKARKO APP

App Store
Google Play

Ambasada Amerikane: Trajnim të prokurorëve, hetuesve, gjyqtarëve nga FBI-ja mbi sigurinë e fëmijëve

9 Shkurt 2026, 13:13, Aktualitet CNA

Ambasada Amerikane: Trajnim të prokurorëve, hetuesve, gjyqtarëve

Gjyqtarë, prokurorë, hetues dhe punonjës të policisë gjyqësore kanë zhvilluar një trajnim nga FBI-ja ja mbi krimin kibernetik dhe hetimet e shfrytëzimit të fëmijëve.

Përmes një postimi në rrjetet sociale, Ambasada Amerikane ka ndarë detaje nga programi i zhvilluar në Budapest, për të rritur sigurinë për fëmijët në Shqipëri.

“Nuk ka përgjegjësi më të madhe sesa t'i mbajmë fëmijët tanë të sigurt. Megjithatë, sot më shumë se kurrë fëmijët janë të ekspozuar ndaj shfrytëzimit dhe kërcënimeve kibernetike në internet. Ambasada e Shteteve të Bashkuara në Tiranë është krenare që mbështeti pjesëmarrjen e gjyqtarëve, prokurorëve, hetuesve dhe policisë gjyqësore të Shqipërisë në një trajnim të udhëhequr nga FBI-ja mbi Krimin Kibernetik dhe Hetimet e Shfrytëzimit të Fëmijëve në Akademinë Ndërkombëtare të Zbatimit të Ligjit të Shteteve të Bashkuara në Budapest. Këta zyrtarë iu bashkuan ekspertëve të tjerë nga e gjithë Europa për të diskutuar përhapjen e materialeve të shfrytëzimit të fëmijëve në internet, për të mësuar se si shpërndahet materiali i dëmshëm dhe si të identifikohen zhvillimet në internet në ndjekjen kibernetike, identifikimin e viktimave, shfrytëzimin kibernetik dhe shkelje të tjera. Këto aftësi do të ndihmojnë në përgatitjen e ekspertëve të zbatimit të ligjit dhe gjyqësorit në Shqipëri për të identifikuar, hetuar dhe ndjekur penalisht ata që do të përdorin internetin për të dëmtuar fëmijët tanë”,-thuhet në njoftim./CNA





Lajmet e fundit nga