web counter
LEXO PA REKLAMA!

SHKARKO APP

App Store
Google Play

U nda nga jeta pak ditë më parë/ Shpat Kasapi përcillet sot për në banesën e fundit

30 Nëntor 2025, 09:32, Aktualitet CNA

U nda nga jeta pak ditë më parë/ Shpat Kasapi përcillet sot

Këngëtari Shpat Kasapi, i cili u nda nga jeta katër ditë më parë, do të përcillet sot për në banesën e fundit. Sipas informacioneve, homazhet për artistin do të zhvillohen në orën 11:00, në Pallatin e Kulturës në Tetovë, ndërsa ceremonia e varrimit do të mbahet në orën 14:00, në varrezat e qytetit.

Këngëtari ndërroi jetë si pasojë e një arresti kardiak gjatë qëndrimit në Itali.  Shpat Kasapi ka qenë një nga emrat më të njohur dhe më të dashur të skenës muzikore shqiptare. I lindur më 1 maj 1985 në Tetovë, ai u rrit në një familje me traditë muzikore, që i dha shtysën e parë drejt skenës.

Karriera e tij nisi në fillim të viteve 2000, ku shumë shpejt u bë një prej idhujve të rinisë me stilin e tij modern, meloditë e lehta dhe performancat energjike.

Shpati u afirmua përmes tregut muzikor kosovar dhe atij shqiptar, duke sjellë këngë që u shndërruan në hite si “A më do?”, “Valle Kosovare”, “Dashni pa limit”, “Aroma e saj”, “Kush të ndau prej meje”, “Falma” e shumë të tjera.

Ka marrë pjesë në festivale të rëndësishme dhe ka bashkëpunuar me emra të njohur të industrisë muzikore.

Prej vitesh ka qenë një figurë e pandashme e muzikës pop shqiptare, duke ruajtur popullaritetin falë stilit të tij karakteristik dhe këngëve që vazhdojnë të dëgjohen gjerësisht./ CNA





Lajmet e fundit nga