web counter
LEXO PA REKLAMA!

SHKARKO APP

App Store
Google Play

E fundit!

x

Busti i Llazar Fundos në Korçë/Studiuesi Kotherja: Korça i kishte një borxh familjes Fundo

29 Nëntor 2025, 16:49, Aktualitet CNA
Busti i Llazar Fundos në Korçë/Studiuesi Kotherja: Korça
Busti i Zai Fundos

Studiuesi Niko Kotherja në një dalje televizive ka folur për vendosjen e bustit të intelektualit Llazar Zai Fundo në Korçë.

Kotherja tha se vendosja e bustit të tij në Korçë ishte një borxh jo vetëm ndaj Llazar Fundos, por dhe ndaj familjes së tij.

Studiuesi u shpreh se banesa e familjes Fundo është një monument kulture dhe historie.

Kotherja tha në daljen e tij televizive se në shtëpinë e familjes Fundo në vitin 1923 ka bujtur dhe Fan Noli.

Vendosja e bustit të Zai fundos në Korçë, Kotherja tha se është një homazh ndaj familjes Fundo.

Kotherja u shpreh se Zai Fundo është shembulli më ideal që tregon se një njeri që i beson një ideje bie viktimë e vetë asaj.

“Mendoj që Korça i kishte një borxh jo vetëm Fundos si Llazar, por i kishte një borxh edhe familjes së tij. Kam patur fatin të bashkëjetoj me këtë familje, pasi edhe banesa ime gjendet afër shtëpisë së familjes Fundo, ajo është jo thjesht një monument kulture sa i përket kohës kur është ndërtuar, por edhe për momente historike që kanë kaluar atje. Në një prej dhomave të kësaj familje ka bujtur Fan Noli në vitin 1923. Prej asaj shtëpie kanë dalë edhe figura të tjera të shquara në shkencat ekzakte. Me vendosjen e bustit të Zai Fundos i bëhet një homazh jo vetëm figurës së tij, por edhe familjes Fundo, voskopojare, por të vendosur hershëm në Korçë.

Një plejadë njerëzish që s’kanë kontribuar vetëm në lëvizjet politike, por edhe kulturore, në formësimin e asaj ideje kombëtare në momentin kur kanë vepruar. Ishte një idealist dhe kjo s’duhet harruar. Normalisht i përkiste bindjeve të majta, dhe është bërë pjesë e formacioneve të ndryshme. Por është shembulli më ideal për të treguar se si një njeri që i beson një ideje, bie viktimë e idesë së tij. Kur Fundo e kishte kuptuar se çfarë do të ndodhte, ai i shkruan Nolit dhe i thotë që “Komunizma që ne idealizonim si Krishti, për nga ligësitë ia kalon edhe djallit””, tha Kotherja./CNA





Lajmet e fundit nga