web counter
LEXO PA REKLAMA!

SHKARKO APP

App Store
Google Play

E fundit!

x

"Zai Fundo, një nga figurat më komplekse të historisë"/ Sula: Intelektual i shkëlqyer

29 Nëntor 2025, 15:43, Aktualitet CNA

Kryetarja e Autoritetit për Informimin mbi Dokumentet e ish-Sigurimit të Shtetit, Gentiana Sula, ka bërë një reagim për vendosjen e intelektualit Zai Fundo në zemër të Korçës.

Në reagimin e saj, Sula shprehet se Zai Fundo është një figurat më komplekse dhe më tragjike të historisë sonë.

Kryetarja e AIDSSH thotë se regjimi i lindur në vitin 1944 nuk kurseu as bijtë e vet më të talentuar kur ata kundërshutan kultin dhe dhunën.

Sula shkruan se Zai Fundo ishte nga të paktët komunistë me formim të lartë teorik dhe vizion ndërkombëtar.

“Zai Fundo, një nga figurat më komplekse dhe tragjike të historisë sonë të shekullit XX, ishte intelektual marksist i shkëlqyer, i diplomuar në Sorbonë, përkthyes i Marksit, dhe një nga themeluesit e PKSH-së në 1941. Ishte ndër të paktët komunistë shqiptarë me formim të lartë teorik dhe vizion ndërkombëtar, antifashist dhe europianist i orëve të para. Sikur të kishte mbetur gjallë, Zai Fundo do të kishte qenë me shumë gjasa një nga viktimat e para dhe më të mëdha të spastrimeve të mëvonshme brenda PKSH-së. Formimi i tij perëndimor, mendimi kritik, lidhjet me Trockin dhe refuzimi i subordinimit të verbër ndaj Beogradit e kishin shënuar tashmë si 'të papërshtatshëm' për regjimin që po krijohej. Vendosja e bustit të tij tani nuk është thjesht nderim për një figurë të harruar; është një akt drejtësie historike dhe një mesazh i fortë: edhe brenda lëvizjes komuniste ka pasur njerëz që u vranë pikërisht sepse donin një komunizëm më njerëzor, më të pavarur dhe më pak të përgjakshëm. Është një kujtesë që regjimi që lindi në 1944 nuk kurseu as bijtë e vet më të talentuar kur ata kundërshtuan kultin dhe dhunën. Le të shërbejë ky bust si thirrje për të mos i përzier kurrë më çlirimin nga fashizmi me justifikimin e krimeve që erdhën më pas. Lavdi Zai Fundos dhe të gjithë atyre që paguan me jetë refuzimin e diktaturës, nga cili krah ideologjik që erdhën”, shkruan Sula./CNA

 

"Zai Fundo, një nga figurat më komplekse të





Lajmet e fundit nga