web counter
LEXO PA REKLAMA!

SHKARKO APP

App Store
Google Play

Ceremonitë për 28-29 Nëntorin/ Ndregjoni: Historiografia shqiptare t’i japë më shumë prioritet Pavarësisë

28 Nëntor 2025, 17:39, Aktualitet CNA

Ceremonitë për 28-29 Nëntorin/ Ndregjoni: Historiografia

Kryetari i Unionit të të Përndjekurve Politikë, Besim Ndregjoni ndau sot një qëndrim kritik lidhur me ceremonitë shtetërore që i kushtohen festave kombëtare.

I ftuar në “Syri Tv”, Ndregjoni u shpreh se ka një ndryshim të madh të kremtimit në ditët e sotme, krahasuar me periudhën para viteve ’90-të.

Sipas Ndregjonit, duhet të bëhet një ndarje më e mirë e nderimeve të dy ditëve, veçanërisht për kujtimin e dëshmorëve.

“Kremtimi i identitetit të një kombi, të një vendi dhe si po trajtohet në periudhën postkomuniste mbas '90-ës, këto cermonitë shtetërore që i kushtohen kombit, i kushtohen atdheut. Unë nuk shoh, duke qenë edhe unë pjesë, duke qenë unë një individ që i kam parë edhe në kohët të diktaturës se si kremtohej dita kombëtare e flamurit, edhe si kremtohet tani në pluralizmin politik.

Fatkeqësisht historia shqiptare ka ngelur peng i diktaturës komuniste. Domethënë, dhe pse kanë kaluar 35 vjet, historiografia shqiptare nuk e thotë të vërtetën rreth ngritjes së flamurit, rreth këtij aktit të madh të mvetësisë së shqiptarëve.

Për shembull, historia shqiptare jep, historiografia shqiptare jep një prioritet diktaturës dhe aspak ditës së pavarësisë.

Tani, nuk mund të barazojmë dëshmorët e luftës së dytë botërore me dëshmorët e pavarësisë. Se nga viti 1912 që është dhënë pavarësia e Shqipërisë dhe deri në vitin 1920, Shqipëria ka kaluar shumë luftra nga fqinjët, të cilët kërkonin me çdo kusht mos ta linin këtë komb të ishte komb i vetëm. Dhe ka shumë dëshmorë. Ka dëshmorë nga Shkodra, nga Dibra, nga Kukësi, në jug. Pra, të gjithë këta dëshmorë, sot i trajtojnë sikur këta dëshmorë janë ata që dhanë kontribut për ditën e flamurit”,-tha Ndregjoni./CNA

 





Lajmet e fundit nga