web counter
LEXO PA REKLAMA!

SHKARKO APP

App Store
Google Play

E fundit!

x

Vendosja e bustit të Zai Fundos/ Filo: Një personalitet i jashtëzakonshëm i Korçës

28 Nëntor 2025, 12:31, Aktualitet CNA

Kryetari i Bashkisë së Korçës, Sotiraq Filo, ka folur për CNA pas vendosjes së bustit të intelektualit Llazar Fundo në Korçë, në sheshin që mban të njëjtin emër.

Në fjalën e tij, Filo tha se Zai Fundo ka qenë një personalitet i jashtëzakonshëm i Korçës.

Kryebashkiaku u shpreh se Fundo ishte një njeri kurajoz që i mbronte bindjet dhe idetë e tij.  

Filo deklaroi se me vendosjen e këtij busti, të punuar nga skulptori Adi Dule, u mësohet historia brezave të rinj, për shkak edhe të tentativave të komunizmit për ta lënë në hije figurën e Zait.

Kryetari i Bashkisë Korçë falënderoi për vendosjen e bustit kryeministrin Rama si dhe kryeparlamentarin Niko Peleshi.

 

“Ditën e djeshme është vendosur në sheshin që mban emrin e Zai Fundos, edhe busti i këtij personaliteti të jashtëzakonshëm të qytetit të Korçës dhe gjithë Shqipërisë. Vendosja e këtij busti ndjek dy vendime të Këshillit Bashkiak, i pari për vënien e emrit të Zai Fundos këtij sheshi në pedonalen e qytetit dhe i dyti për vendosjen e bustit të Zai Fundos.

Zai Fundo ka qenë një personalitet i jashtëzakonshëm i Korçës, megjithëse për fat të keq shumë pak i njohur. Ai ishte një intelektual, një patriot antifashist dhe një njeri kurajoz për të thënë e për të mbrojtur ato që ishin bindjet dhe idetë e tij. Është pikërisht falë kësaj kuraje që Zai Fundo ishte ndër komunistët e parë të Shqipërisë, por në të njëtën kohë u bë edhe antikomunisti i parë në momentet kur pa, nga eksperienca e Bashkimit Sovjetik, që komunizmi nuk ishte ai i cili proklamohej në teori.

Besoj që me vendosjen e këtij busti në qendër të Korçës ne i bëjmë nder kësaj figure historike, por në të njëjtën kohë, ne edhe u mësojmë historinë brezave të rinj, të cilët nuk kanë pasur mundësinë ta njohin për faktin që edhe gjatë periudhës së komunizmit, kjo figurë u tentua që të lihej tërësisht në hije, në errësirë, por edhe atëherë kur përmendej, përmendej në konotacion negativ.

Jam shumë i kënaqur që kemi mundur ta realizojmë, është një projekt i cili është mbështetur edhe nga ana e kryeministrit që dua ta falënderoj, edhe nga ana e deputetit të Korçës dhe kryetarit të parlamentit të Shqipërisë, z. Niko Peleshi, dhe patjetër edhe nga ana e bashkisë, nga ana ime si propozues i vendosjes së këtij busti”, tha Filo./CNA





Lajmet e fundit nga