web counter
LEXO PA REKLAMA!

SHKARKO APP

E fundit!

x

Nxori sekretet hetimore të operacionit antidrogë/Lihet në qeli ish-efektivi i Antiterrorit

28 Nëntor 2025, 10:37, Aktualitet CNA

Nxori sekretet hetimore të operacionit antidrogë/Lihet në qeli

Gjykata e Posaçme ka lënë në qeli ish-efektivin I. H., i vënë në pranga nga operacioni ndërkombëtar antidrogë i SPAK-ut në bashkëpunim me autoritetet italiane.

Seanca për ish-efektivin e Antiterrorit u zhvillua ditën e sotme me dyer të mbyllura.

Ish-efektivi akuzohet për shpërdorim detyre dhe nxjerrje të sekretit hetimor.

I ngarkuar për të vëzhguar grupin kriminal, i cili u godit nga autoritetet, rezultoi se efektivi u kishte zbuluar të dhënat e sekretit hetimor trafikantëve.

Informacion të cilin e kishte bërë në këmbim të shumave të konsiderueshme të parave.

SPAK njoftoi se u sekuestruan mbi 550.000 euro cash, 10 autovetura, 1 pistoletë gjysmautomatike dhe 130 kg lëndë narkotike.

Prokuroria njoftoi se lënda narkotike pasi ka hyrë në territorin italian, dyshohet se është ruajtur dhe magazinuar, për t’u shpërndarë në 6 baza logjistike operative./CNA





Lajmet e fundit nga