web counter
LEXO PA REKLAMA!

SHKARKO APP

App Store
Google Play

E fundit!

x

Çështja e 21 janarit/ Gazetari Artan Hoxha: Kanë dëmtuar një predhë për të fshehur provat, janë fshirë serverat

27 Nëntor 2025, 22:08, Aktualitet CNA

Çështja e 21 janarit/ Gazetari Artan Hoxha: Kanë dëmtuar

Gazetari Artan Hoxha është shprehur sot lidhur me dosjen e njohur të drejtësisë për ngjarjet e 21 janarit 2011.

I ftuar në A2 CNN, Hoxha ndau detaje nga procesi i hetimeve për vrasjet e kryera gjatë demonstratës dhe filmimet që dolën në dritë.

Hoxha ngriti dyshime për prishje provash të paktën në një rast, si edhe fshirje serverash prej së cilëve zotëroheshin disa materiale filmike.

“Kjo është një histori, kjo është një ngjarje, unë dua ta quaj vijë demarkacioni, para dhe mbas 21 janarit, edhe për zhvillimet politike, shoqërore të këtij vendi. Pra, një ngjarje që ndodhi në bulevardin “Dëshmorët e Kombit” ku të vetmit dëshmorë që kanë rënë në atë bulevard janë ata katër dhe që nga ajo kohë ne nuk kemi patur më një protestë të dytë. U vra edhe shpirti i protestës në këtë vend. Është një ngjarje që Gjykata e të Drejtave të Njeriut në Strasburg e ka certifikuar si krim shtetëror. Pra, ti nuk ke nga shkon, krim shtetëror! Për fatin tim të mirë, unë kam qenë që në momentin e parë. Pata shansin më të madh që të kem në dorë një material ose një ngjarje që mund të përmbysë situatën dhe të përmbysë historinë. Deri momentin që unë nxora filmimet, publikimi i atyre pamjeve afër mesnatës bëri që të ndryshonte dhe varianti i ngjarjes, që deri në atë kohë thuhej që protestuesit nga u vranë nga turma dhe përgjegjësia po i lihej opozitës. Unë nuk e dija se s'më interesonte shumë nëse përgjegjësinë e kishte opozita apo qeveria. Unë nuk e dija se s'më interesonte shumë nëse përgjegjësinë e kishte opozita apo qeveria. Mua më interesonte kush i vrau ata njerëz dhe nga ai moment u ndryshua situata, dolën pamjet dhe unë kam qenë pa gjumë deri në momentin kur predha që dilte nga automatiku i Agim Lluost që nxorëm ne në pamje u gjet në trupin e Ziver Veizit dhe u tha që “po, kjo predhë ka dalë nga automatiku me këtë numër serie”. Aty u binda dhe aty u qetësova sepse edhe unë kisha frikë se mos manipulonin provat e mund ta bënin siç bënë me Aleks Nikën, me predhën e Aleks Nikës, që e kanë prishur me limë, e kanë dëmtuar predhën që edhe të mos identifikohet nga çfarë armë është qitur. Nga ai moment ndryshoi historia, u fshinë serverat, u fshi DVR-ja. ”,-tha Hoxha./CNA





Lajmet e fundit nga