web counter
LEXO PA REKLAMA!

SHKARKO APP

App Store
Google Play

Ceremonia e pritjes për Ditën e Flamurit/ Begaj: Kudo ku jetojnë shqiptarë sot është festë

28 Nëntor 2025, 20:33, Aktualitet CNA

Ceremonia e pritjes për Ditën e Flamurit/ Begaj: Kudo ku jetojnë

Presidenti Bajram Begaj ka zhvilluar mbrëmjen e sotme një ceremoni pritje për Ditën e Flamurit në Pallatin e Brigadave. Begaj mbajti fjalimin hapës në ceremoni ku u shpreh se Shqipëria sot është një vend që kontribuon në paqe dhe siguri, ndërsa shtoi se mbetet po ashtu e besueshme për aleatët euroatlantikë. 

Presidenti theksoi se sot kudo ku jetojnë shqiptarët është ditë feste dhe u shpreh se çdo arritje e Kosovës dhe e komuniteteve shqiptare në rajon është krenari.

"Është zemra jonë që rreh larg, detyra jonë si shtet është t’i dëgjojmë, t’i përfshijmë dhe t’u krijojmë hapësira reale pjesëmarrjeje. Pavarësia matet me cilësinë e shërbimeve publike, me drejtësinë funksionale, me mundësinë që u ofrojmë të rinjve dhe dashurinë për atdheun. Këto janë sfidat që na bashkojnë – pavarësisht bindjeve tona politike. Bota e sotme po ndryshon me shpejtësi, arkitektura globale po rifigurohet. Në këto kohë transformimesh dhe tronditjesh na duhet vendosmëri e qartë dhe vizion. Viti 2025 na gjeti në një mjedis dinamik. Sfida e sotme përbëhet nën moton e këtij samiti, Europë e re, botë e re. Shqipëria ka fituar besueshmëri si vend që kontribuon në paqe, siguri dhe dialog. Shqipëria mbetet e besueshme për aleatët tanë euroatlantikë. Ne jemi krenar për lidhjen me Shtetet e Bashkuara të Amerikës. Fatet tona u ndanë kundër dëshirës tonë, sot fati i Shqipërisë dhe i Kosovës dhe i gjithë shqiptarëve në rajon është në duart tona. Çdo arritje e Kosovës dhe e komuniteteve shqiptare në rajon është krenari për ne. Sot kudo ku jetojnë shqiptarët është ditë feste. Është koha të jemi bashkë, të mbështesim zhvillimin e komuniteteve shqiptare dhe të punojmë që çdo shqiptar brenda e jashtë vendit të ndihet pjesë e një kombi që ecën përpara”, tha Begaj gjatë fjalës së tij. /CNA





Lajmet e fundit nga