E fundit!

19:25 Kronika

Aksident i rëndë në aksin Cërrik-Mollas/ Raportohet për dy viktima

Një aksident i rëndë raportohet se ka ndodhur në aksin Cër...

Zai Fundo kundërshtari i stalinizmit, që meriton nderim!

29 Nëntor 2025, 20:16, Aktualitet Besim Ndregjoni

Zai Fundo

Këto ditë në Korçë u vendos busti i Zai Fundos, kundërshtari i parë në Europë kundra doktrinës staliniste! Pse kaq vonë nderimi i tij? Intelektual i shkëlqyer i diplomuar në Sorbonë, një atdhetar që donte vendin e tij në Europë, një antifashist i orëve të para, që u internua nga fashizmi me qindra familje Zogiste në ishullin Ventotene të Italisë.

Shkrimtari dhe studjuesi dibran Xhaferr Martini në librin biografik për figurën e Halil Alisë të Dibrës shkruan: Seit Kryeziu, Zai Fundo dhe Halil Alia studiuan në Moskë dhe e panë se çfarë ishte komunizmi stalinist dhe ata u larguan nga Moska vetëm që t’i shpëtonin përndjekjes së kriminelit Stalin!

Stalini dhe krimet e tij u dënuan në vitin 1956, nga Europa dhe vetë Hrushovi udhëheqësi i Bashkimit Sovjetik, i vetëm vend në Europë që nuk e dënoi Stalinin, ishte diktatori Enver Hoxha dhe bëri krime në Shqipëri si Stalini në Bashkimin Sovjetik!

Fatëkeqësisht kjo diktaturë që vrau Zai Fundon dhe mbi 6000 shqiptarë që s’kanë një varr sot në Shqipëri, nuk u dënua as në 1956 as në sistemin pluralist që bëmë mbas vitit 1990! Busti i Zai Fundos nuk mund të jetë i qetë kur atdheu i tij nuk e ka dënuar stalinistin e fundit të Europës, Enver Hoxhën! Atë që se bëri Stalini kundra Zai Fundos e bëri stalinisti shqiptar Enver Hoxha!

Zai Fundo në Itali i internuar nga fashizmi s’kishte asnjë komunist të Enver Hoxhës në internim! Historiografia shqiptare ndjek dhe nderon datat e stalinizmit shqiptar siç është 29 nëntori 1944 që vrau Zai Fundo dhe e nderon si ditë “Çlirimi”, kur ajo ditë është dita e pushtimit stalinist shqiptar!

Nuk mund të nderohen heronjtë pa dënuar me ligj doktrinën staliniste që manifestohet dhe sot në politikëbërjen shqiptare! Pushteti politik në Shqipëri manifeston çdo manifestim enverist që fshehet mbas Luftës së Dytë Botërore! Siç na mëson presidenti i SHBA, Donald Trump që proklamoi “Javën Antikomuniste” në Amerikë.

“Në 34 vitet që nga përfundimi i Luftës së Ftohtë, bota ka dëshmuar si triumfin e demokracisë, ashtu edhe këmbënguljen e tiranisë në forma të reja. Zëra të rinj përsërisin gënjeshtrat e vjetra, duke i veshur ato me gjuhën e “drejtësisë sociale” dhe “socializmit demokratik“, por mesazhi i tyre mbetet i njëjtë: hiqni dorë nga liria juaj, vendosni besimin tuaj tek pushteti i qeverisë dhe shkëmbeni premtimin e mirëqenies me ngushëllimin e zbrazët të kontrollit. Amerika e refuzon këtë doktrinë të ligë”. A e refuzon Shqipëria doktrinën enveriste?!/CNA