web counter
LEXO PA REKLAMA!

SHKARKO APP

App Store
Google Play

“Të bëjmë bamirësi”/ Mesazhi i Kryepiskopit Joan: Pasuria krijon jo vetëm ankth, por ngjall edhe zili

26 Nëntor 2025, 15:06, Aktualitet CNA

“Të bëjmë bamirësi”/ Mesazhi i Kryepiskopit

Kryepiskopi i Tiranës, Durrësit dhe Gjithë Shqipërisë, Fortlumturia e Tij Joani ka ndarë një mesazh shumë të vyer për njerëzimin, përmes një historie të vjetër.

Kryepiskopi tregoi një rast të njohur të rrëfyer nga psikiatri Karl Menninger të një të milioneri që vuante nga ankthi se çfarë të bënte me pasurinë që kishte krijuar dhe nuk po gjente dot zgjidhje nga ky shqetësim.

Sipas Kryepiskopit, raste të tilla dëshmojnë se pasuria nuk ka vlerë kur nuk ndahet me njerëzit në nevojë.

“...Tregohet një histori e vërtetë nga psikiatri i njohur Karl Menninger. Ai shkruan këtë në ditarin e tij: Një milioner, me miliona të ardhura në vit, kishte tentuar të vriste veten. Psikiatri përpiqej ta shëronte me psikoterapi, me ilaçe e me çdo gjë tjetër. Në bisedë, i pasuri i thotë: 'Mua më kap një ankth shumë i madh. Nuk më duhet kjo pasuri, por më vret mendimi se çfarë do të bëj me të dhe ai është shumë i madh'. Psikiatri e pyet: 'Dhe për këtë doje të vrisje veten?' Ai i thotë: 'Po. Çfarë të bëja tjetër?' E këshilloi të jepte diçka për bamirësi, si kujtim për babanë ose për veten, por i pasuri i tha: 'E kam problem, nuk jap dot. Nuk di çfarë të bëj'.

Ja pra, ky është ankthi që shpesh krijon pasuria. Dhe jo vetëm ankth, por pasuria ngjall edhe zili te të tjerët”,-tregoi Kryepiskopi./CNA





Lajmet e fundit nga