web counter
LEXO PA REKLAMA!

SHKARKO APP

App Store
Google Play

Rrëshqitje dherash dhe probleme me argjinaturat/ Si paraqitet situata e përmbytjeve në juglindje

26 Nëntor 2025, 09:25, Aktualitet CNA

Rrëshqitje dherash dhe probleme me argjinaturat/ Si paraqitet situata e

Reshjet e shiut në Qarkun e Korçës kanë shkaktuar problematika në infrastrukturën e zonave rurale. Në aksin Lozhan–Mesmal të Bashkisë Maliq janë raportuar bllokime për shkak të daljes së inerteve nga lumi dhe çarje të argjinaturës së lumit Devoll.

Aktualisht në këtë zonë po punohet për hapjen e rrugës dhe për transportimin e inerteve drejt zonës ku është çarë argjinatura.

Edhe në Bashkinë Kolonjë raportohet për problematika në rrugën e fshatit Gostivisht për shkak të rrëshqitjeve të dherave. Ditën e sotme nuk është raportuar për ndërprerje të energjisë elektrike.

 

Njoftimi zyrtar i Prefekturës:

Sipas raportimeve të deritanishme nga strukturat përgjegjëse të bashkive, nuk evidentohen problematika të reja në territor. Vijon puna për normalizimin e situatave dhe për garantimin e sigurisë së komuniteteve.

Bashkia Kolonjë

Gjendja e rezervuarëve paraqitet e qëndrueshme.

Është ndërhyrë me ekskavator në argjinaturën e përroit të Shtikës dhe Bezhanit.

Në fshatin Gostivisht është punuar me fadromë për largimin e dherave në rrugë.

Vijojnë punimet në urën e Qinam.

Në fshatin Starje është kryer pastrim i kanaleve me fadromë dhe punëtorë.

Bashkia Maliq

Vijon puna në argjinaturat e lumit Devoll duke stacionuar inertet në zona e urës.

Pas përfundimit të testimit të rrugës, do të nisë transporti i inerteve drejt zonës së çarjes së konstatuar.

Në aksin Lozhan–Mesmal po punon ekskavatori i madh për hapjen e rrugës.

OSHEE

Raportohet se të gjithë fiderat janë në funksion dhe furnizimi me energji elektrike për abonentët është normal.

Mbetemi në komunikim të vazhdueshëm për çdo zhvillim të mëtejshëm në territor./CNA

 

 





Lajmet e fundit nga