web counter
LEXO PA REKLAMA!

SHKARKO APP

App Store
Google Play

Njohja e kontributit vullnetar/ Të rinjtë e Shqipërisë dhe Kosovës lobojnë përmes Këshillit Britanik

25 Nëntor 2025, 17:01, Aktualitet CNA


Të rinjtë që janë angazhuar në punë vullnetare kërkojnë nga autoritetet në Shqipëri dhe Kosovë t’iu njihet kontributi i dhënë në aktivizëm, art dhe inovacion, si përvojë dhe vjetërsi pune.

Në bashkëpunim edhe me Këshillin Britanik në Shqipëri, autoritetet shqiptare kanë kaluar në komisionet parlamentare draftligjin për vullnetarizimin.

Zëvendësministrja e Ekonomisë, Kulturës dhe Inovacionit, Lira Pipa deklaroi së në janar do të ketë një plan të qqartë për aplikimin e ligjit. Ndërsa në Kosovë, referuar përfaqësues së Ministrisë së Kulturës Rinisë dhe Sporteve, Zjarrta Osmani, njohja e punës vullnetare do të mundësohet përmes rregullimeve në një dispozitë ligjore.

Gjatë tryezës së organizuar nga Këshilli Britanik, në kuadër të javës kombëtare të kulturës, në Tropojë, studentë dhe të rinj që kanë qënë pjesë e programit Alternative Pathways, të financuar ga qeveria e Mbretërisë së Bashkuar, kërkuan që qeveria e Shqipërisë të përcaktojë një buxhet për të rinjtë, në shkolla e universitete.

Draftligji për vullnetarizimin në Shqipëri iu përfshi diskutimeve në komisionet parlamentare dhe Kuvendi pritet të caktojë datën kur ky dokument do të kalojë për miratim në seancë plenare./CNA





Lajmet e fundit nga