web counter
LEXO PA REKLAMA!

SHKARKO APP

App Store
Google Play

“Nuk jam kriminel”/ Artan Hoxha: Ja çfarë më thanë në doganë për shpalljen “non grata”

25 Nëntor 2025, 15:46, Aktualitet CNA

“Nuk jam kriminel”/ Artan Hoxha: Ja çfarë më

Gazetari Artan Hoxha ka ndarë këtë të martë detaje nga momenti i ndalimit të tij në pikën kufitare të Kakavijës, teksa në doganën e palës greke iu komunikua se është shpallur si person ‘i padëshiruar’ në Greqi.

Në një dalje televizive, Hoxha tregoi se pas kontrollit në sistem të pasaportës së tij, nuk ia rikthyen dhe i kërkuan të shkojë në stacionin policor për të lënë gjurmët e gishtave dhe retinës.

Gazetari tha se u shtang kur mësoi masën e ndalimit të hyrjes në territorin e Republikës së Greqisë, teksa u ndal edhe te një çështje e shumëpërfolur që mund të ketë pasur ndikim.

“Kur po kaloja kufirin, më ndaluan në vijën e parë. Pasi kontrolluan pasaportën time në sistem, më thanë se kishte një problem. Më folën shqip, ndërsa unë iu drejtova greqisht në fillim. Nuk ma kthyen pasaportën dhe më dërguan në vijën e dytë, në zonën ku ndodhet stacioni policor.

Oficeri më kërkoi të lija gjurmët e gishtave dhe retinën e syrit. I thashë që nuk jam kriminel dhe nuk kam asnjë çështje penale në Greqi që të më merren gjurmët. Ai më tha se ishte procedurë e detyrueshme nëse doja të merrja pasaportën time.

Më tha pse ke pasur këtë qëndrim ndaj Greqisë. U shtanga. I thashë se nuk di të kem fobi ndaj Greqisë. Madje kam qenë aktiv gjatë fushatës së vitit të kaluar për zgjedhjet e Parlamentit Europian.

Kur Beleri u bë pjesë e politikës së brendshme greke dhe shpalli kandidaturën, mediat opozitare greke kishin materialet e tyre ndaj tij, madje më furnizuan edhe mua. Mesa duket ky ekspozim i së kaluarës së tij krijoi probleme, duke treguar edhe rolin e drejtësisë greke që ka ndihmuar kriminelë t’i shpëtojnë ekstradimit në Shqipëri”,-tha Hoxha./CNA





Lajmet e fundit nga