web counter
LEXO PA REKLAMA!

SHKARKO APP

App Store
Google Play

Gazetari: Grupet kriminale shqiptare të fuqizuara edhe në rrafshin ndërkombëtar

25 Nëntor 2025, 22:10, Aktualitet CNA

Gazetari: Grupet kriminale shqiptare të fuqizuara edhe në rrafshin

Gazetari Elkier Bushkolaj komentoi sot lidhur me grupet kriminale shqiptare që veprojnë së fundmi.

I ftuar në A2 CNN, Bushkolaj bëri një krahasim me bandat nga vitet ’90-të, teksa u shpreh se grupet e sotme po fuqizohen edhe jashtë territorit të Shqipërisë.

Sipas gazetarit, aktivitetet e tyre janë bërë dinamike, duke e bërë të pamundur që të mos gjendet një grup aktiv në vendet europiane.

“Është edhe periudha nga viti 2005 deri në 2009, që pati realisht një goditje karshi disa grupeve kriminale, banda e Durrësit, banda e Lushnjës, disa grupe kriminale në Tiranë dhe goditje që u finalizuan deri në vendime gjyqësore, pra në sekuestrim pasurie, në implementimin e ligjit antimafia. Tani, ka ndodhur diçka. Ne kemi parë fenomenin e ri, kemi parë fuqizimin në rrafshin ndërkombëtar. Pra, nëse dikur grupet kriminale tona kishin akses ose kishin aktivitet në Itali apo në Greqi dhe shumë pak në Gjermani, tani aktiviteti është bërë shumë më dinamik. Është e pamundur që të gjesh një vend të Bashkimit Europian apo të vendeve nordike ku ne nuk kemi dosje që na vijnë nga partnerët ndërkombëtarë. Vetëm në Amerikën Latine në 5-6 vitet e fundit ne kemi pasur tetë të vrarë”,-tha Bushkolaj./CNA





Lajmet e fundit nga