Gara për kreun e SPAK/ KLP njofton kur do zhvillohet intervistimi i 4 kandidatëve

25 Nëntor 2025, 17:24, Aktualitet CNA

Gara për kreun e SPAK/ KLP njofton kur do zhvillohet intervistimi i 4

Këshilli i Lartë i Prokurorisë ka publikuar datën se kur do të zhvillohen intervistat me kandidatët për kreun e ri të Prokurorisë së Posaçme.

KLP bën me dije se intervistat do të zhvillohen më 11 dhjetor 2025, duke nisur nga ora 09:00.

Intervistat do të zhvillohen sipas rendit alfabetik dhe më pas do vijohet me zgjedhjen e drejtuesit të SPAK.

Kandidatët për kreun e ri të SPAK janë:

Adnan Xholi

Doloreza Musabelliu

Klodian Braho

Elvin Gokaj

Njoftimi i KLP

Për zhvillimin e intervistave me kandidatët dhe zgjedhjen e Drejtuesit të Prokurorisë së
Posaçme kundër Korrupsionit dhe Krimit të Organizuar
Me Vendimin nr. 286, datë 17.09.2025, “Për shpalljen e vendit vakant për Drejtues të Prokurorisë
së Posaçme kundër Korrupsionit dhe Krimit të Organizuar”, Këshilli i Lartë i Prokurorisë shpalli
fillimin e procedurave për ngritjen në detyrë si Drejtues të Prokurorisë së Posaçme kundër
Korrupsionit dhe Krimit të Organizuar.
Pas plotësimit të afatit të caktuar dhe shqyrtimit të kandidaturave që kanë shprehur interes për këtë
pozicion, me Vendimin nr. 320, datë 20.102.2025, “Për miratimin e listës së kandidatëve që
plotësojnë kushtet ligjore të kandidimit për Drejtues në Prokurorinë e Posaçme kundër
Korrupsionit dhe Krimit të Organizuar”, Këshilli i Lartë i Prokurorisë ka miratuar listën e
kandidatëve që plotësojnë kushtet ligjore të kandidimit për Drejtues në Prokurorinë e Posaçme
kundër Korrupsionit dhe Krimit të Organizuar.
Në zbatim të nenit 38, të Vendimit nr. 303, datë 19.09.2023, “Për miratimin e Rregullores “Mbi
kriteret dhe procedurën për ngritjen në detyrë të prokurorëve pranë Prokurorisë së Posaçme kundër
Korrupsionit dhe Krimit të Organizuar”, Këshilli i Lartë i Prokurorisë njofton se, në datën
11.12.2025, ditën e Enjte, ora 09.00, do të zhvillojë intervistat me kandidatët, sipas rendit
alfabetik, si dhe do të vijojë me zgjedhjen e Drejtuesit të Prokurorisë së Posaçme kundër
Korrupsionit dhe Krimit të Organizuar.
Ftojmë kandidatët të jenë të pranishëm në sallën e Mbledhjeve Plenare të Këshillit të Lartë të
Prokurorisë, në adresën: Këshilli i Lartë i Prokurorisë, Rruga “Ana Komnena”, Godina “Poli
i Drejtësisë”, Tiranë