web counter
LEXO PA REKLAMA!

SHKARKO APP

App Store
Google Play

Përmbytet sërish lagjja "Besëlidhja" në Lezhë/ 11.2 hektarë tokë nën ujë, ndërpritet energjia

26 Nëntor 2025, 08:21, Aktualitet CNA

Përmbytet sërish lagjja "Besëlidhja" në

Reshjet e shiut që kanë përfshirë Lezhën prej mesnatës kanë shkaktuar probleme të shumta, kryesisht në zonat urbane.

Sistemi i kanalizimeve nuk ka arritur të përballojë sasinë e madhe të prurjeve, duke sjellë përmbytje në bllokun e banimit "11 Janari" në lagjen "Besëlidhja", si dhe në një sipërfaqe prej rreth 11.2 hektarësh.

Niveli i ujit ka arritur deri në 40 centimetra, duke bllokuar hyrjet e pallateve dhe duke vështirësuar ndjeshëm qarkullimin e këmbësorëve dhe automjeteve. Përmbytje janë raportuar edhe në disa segmente të aksit Lezhë–Shëngjin.

Ndërkohë, në pjesën më të madhe të territorit raportohet edhe mungesë e energjisë elektrike për shkak të motit të keq. 

Kjo është hera e dytë brenda disa ditësh që Lezha po përballet me pasojat e përmbytjeve edhe pse sasia e reshjeve nuk ka qenë shumë e madhe. Mungesa e investimeve në kanalizime shkakton herë pas here problematika që pengojnë dhe vështirësojnë jetën e banorëve pasi raportohet për bllokim të hyrjeve të pallateve, duke pamundësuar lëvizjen e tyre në ambientet e përbashkëta të bllokut të banimit.

Përmbytjet përsëriten vazhdimisht dhe shkaktojnë dëme në pronat dhe bizneset e këtij qyteti duke cenuar sigurinë dhe mirëqënien e qytetarëve pasi sipas raportimeve ka edhe bllokim të trafikut. /CNA





Lajmet e fundit nga