Fake News-i i një fotoje/ Nga prokurori te mashtrimi publik i Gazment Bardhit

26 Nëntor 2025, 11:09, Aktualitet CNA

Një tjetër “fake news”, këtë herë i prodhuar nga Gaz Bardhi, ka qarkulluar në media, i cili ka publikuar një foto të ish-drejtorit të ARRSH-së, Evis Berberit, së bashku me zëvendëskryeministren Belinda Balluku e të tjerë zyrtarë dhe pretendon se ka qenë një mbledhje në një apartament ku sipas tij ndaheshin tenderët korruptivë.

Fake News-i i një fotoje/ Nga prokurori te mashtrimi publik i Gazment

Por, në fakt, kjo është një gënjeshtër publike. Pas denoncimit të Gaz Bardhit, faqja zyrtare e “Lolitës” në rrjetet sociale, si dhe blogeri Olti Curri publikuan të njëjtën foto duke theksuar se është kryer në Pallatin e Brigadave për një aktivitet.

Fake News-i i një fotoje/ Nga prokurori te mashtrimi publik i Gazment

Pra, fotoja është bërë në Pallatin e Brigadave në datën 1 nëntor të 2019 në një aktivitet të mbajtur për 20-vjetorin e DPSHTRR-së. “Mbi një shekull automotorizim shqiptar. Jubile i 20-vjetorit të DPSHTRR-së. Themelimi i regjistrit të parë zyrtar Retro”.

Fake News-i i një fotoje/ Nga prokurori te mashtrimi publik i Gazment

Këto foto e zbulojnë qartë edhe gënjeshtrën e Bardhit.

Fake News-i i një fotoje/ Nga prokurori te mashtrimi publik i Gazment

Kjo nuk është hera e parë që prodhohen fake news siç ishte gënjeshtra më bllokimin e rrugës Qukës-Qafë Plloçë ndërkohë që lëvizja vazhdonte e lirë, kishte dhe bypass. Thjesht gënjyen qytetarët të cilët u alarmuan dhe anuluan dhe udhëtimet në Korçë.

Por për politikë nuk e kuptojnë dëmin që i shkaktojnë Korçës për shembull në atë rast ku me qindra pushues do të shkonin në juglindje. U anuluan hotele, darka, shpenzime. Janë kosto të mëdha për qytetin e Juglindjes.

Në këtë rast bëhen mashtrime duke thënë janë takuar këtu janë takuar atje. Këto mashtrime nuk i tregojnë gjë opozitës në kohën e rrjeteve sociale, thjesht dhe vetëm që është më mashtruese se qeveria.

Fake News/ Rruga Qukës-Qafë Plloçë nuk u bllokua për asnjë sekondë
23 Nëntor, 19:55

Si rrodhi fotoja?

Ajo që në fakt përbën vërtetë një shqetësim dhe një alarm është se si ka rrjedhur fotoja nga telefoni i Ervis Berberit?

Kjo foto është marrë nga telefoni i një personi të burgosur dhe ka dalë në media pikërisht në këtë moment ku Berberi është në burg dhe po hetohet zëvendëskryeministrja Balluku.

Askush nuk po reagon të thotë nga rrodhi kjo foto? Sepse prokurori i dosjes është Dritan Prençi.

CNA nxori përgjimet nga gjykata të Erion Veliajt dhe mediat u dogjën ‘kanë rrjedhur përgjimet, kanë rrjedhur përgjimet’.

Në fakt, përgjimet kishin dalë pas një vendimi gjykate, ndërsa sot kemi një foto që del, e cila nuk është në asnjë vendim gjykate, por vetëm në dosjen e prokurorit dhe hetuesve të BKH-së.

Përgjimet e Veliajt/13 faqe me kërcënime, mashtrime dhe manipulime
6 Prill, 19:09

Kjo pyetje është shumë e thjeshtë: Nga rrodhi kjo foto?

Së pari, ky akt dekonspiron hetimet dhe hedh në erë gjithçka. Ku është sekreti hetimor?

Së dyti, ka të bëjë me mashtrimin e Gaz Bardhit.

Gazi po i jep gaz se e di që në PD nuk e do kush dhe po përpiqet të bëjë çdolloj skeme dhe skenari.

Pavarësisht se në këtë rast duhet të shpjegojë prokurori se si kjo foto ka përfunduar në duart e Gaz Bardhit.

Pyetja është shumë e thjeshtë, përse duhet të gënjejë Gazment Bardhi?

Ka 1001 mënyra për të sulmuar Belinda Ballukun, drejtorët e saj, pse duhet të mashtrojë publikisht?

Në kohën e rrjeteve sociale gjërat dalin lehtësisht, është kollaj. Dhe, ja gënjeshtra e Bardhit u nxor nga Olti Curri, ia nxori edhe “Lolita”, kështu që fotot më poshtë tregojnë se cili aktivitet ka qenë.

Gazment Bardhi pretendon se ishte në një apartament. Jo, nuk është e vërtetë, është një gënjeshtër. Fotoja është bërë në Pallatin e Brigadave siç edhe e theksuam më lart, në datën 1 nëntor të 2019 në një aktivitet të mbajtur për 20-vjetorin e DPSHTRR-së. “Mbi një shekull automotorizim shqiptar. Jubile i 20-vjetorit të DPSHTRR-së. Themelimi i regjistrit të parë zyrtar Retro”.

Fotot gjenden kollaj në rrjetet sociale të kryeministrit, zëvendëskryeministres së aktivitetit që është kryer në 2019.

Pse duhet të mashtrojë publikisht Gazment Bardhi me zërin e tij si klarinetë e prishur?

Për çfarë arsye duhet të hedhë në erë kauzat e opozitës siç hodhi në erë Salianji kauzën me Fatmir Xhafajn, me ministrin e Brendshëm, me audio-përgjimin për të cilin u dënua për kallëzim të rremë. Edhe në këtë rast e njëjta gjë është.

Fotoja është bërë në zyrat e Pallatit të Brigadave dhe Gaz Bardhi mashtron duke thënë që është mbledhje në një apartament, një gënjeshtër, e cila u rrëzua brenda pak orësh duke u publikuar dhe e vërteta e asaj fotoje.

Pra, prokurorit i rrjedh një foto nga dosja hetimore dhe Gazi mashtron publikisht./ CNA