web counter
LEXO PA REKLAMA!

SHKARKO APP

App Store
Google Play

E fundit!

x

Solidaritet për Fitër Bajramin/ 3.5 tonë ushqime për familjet në nevojë në Pogradec

19 Mars 2026, 16:24, Aktualitet CNA

Në prag të festës së Fitër Bajramit, në qytetin e Pogradecit ka nisur shpërndarja e rreth 3.5 tonëve ushqime për familjet në nevojë. Nisma është ndërmarrë nga Xhamia “Ebu Bekër”, në kuadër të sadaka fitrit, një prej detyrimeve fetare që synon mbështetjen e shtresave më vulnerabël të shoqërisë.

Procesi i shpërndarjes ka nisur që në orët e para të ditës, me qëllim që ndihmat ushqimore të mbërrijnë në tryezat e familjeve përpara festës. Paketat përmbajnë produkte bazë ushqimore, të domosdoshme për përballimin e nevojave minimale gjatë kësaj periudhe.

Sipas organizatorëve, ky është një kontribut i drejtpërdrejtë i besimtarëve, të cilët përmes donacioneve kanë bërë të mundur grumbullimin dhe shpërndarjen e ndihmave për familjet në vështirësi ekonomike.

Shpërndarja e paketave ushqimore pritet të përfundojë brenda ditës së sotme, duke përfshirë të gjithë territorin e rrethit të Pogradecit. Kjo nismë vjen si një traditë e përvitshme e komunitetit fetar, që në prag festash synon të zbusë sadopak vështirësitë e familjeve në nevojë dhe të përcjellë frymën e solidaritetit dhe bashkëndarje në dhjetëra familje të qytetit!





Lajmet e fundit nga