web counter
LEXO PA REKLAMA!

SHKARKO APP

App Store
Google Play

Një kundërshtar “i denjë” për Evi Kokalarin (Angelakis)

19 Mars 2026, 15:57, Aktualitet CNA

Një kundërshtar “i denjë” për Evi Kokalarin

Mikesha e Erion Veliajt, Evi Kokalari, në një postim në rrjetet sociale ka thënë që nuk është anëtare e PD-së. Ndërkohë që pak ditë më parë deklaroi se kishte kërkuar që ta regjistronin si kandidate për kryetare të Partisë Demokratike në zgjedhjet e 23 majit.

Problemi qëndron se që të kandidosh për kryetare të PD-së duhet të jesh anëtare e asaj partie. Evi Kokalari edhe thotë që nuk jam anëtare partie edhe thotë do të kandidoj për kryetare të PD-së, madje thotë dhe se ka bërë një lëvizje tjetër.

“Evi Kokalari s’ka hapur kurrë parti tjetër dhe e vetmja arsye pse nuk u anëtarësova në PD, dhe Berisha e di mirë këtë, sepse e kemi diskutuar gjatë dhe unë jam konsultuar me avokatë në SHBA, ishte sepse nuk doja probleme me DOJ dhe FARA-n, që mund ta konsideronin lobim pjesëmarrjen time në PD”, shkruan Kokalari.

Ndoshta, Evi Kokalari duhet të gjejë një parti për të kandiduar ose një rival. Për shembull për Kokalarin do të ishte mirë të kandidonte me Pëllump Pilinçin, megjithëse edhe profesorin nuk e mund dot në këtë garë.

Ndërsa në PD nuk kandidon dot zonja Angelakis, sepse nuk është anëtare siç e thotë dhe ajo vetë. Statuti i PD-së e ka të qartë, duhet të jesh anëtar i Partisë Demokratike që të kandidosh për kryetar.

Kështu që do të ishte mirë që zonja Angelakis ta konsideronte propozimin tonë, të kandidojë përballë profesor Pilinçit, meqë janë dhe të dy kështu tip demokrato-amerikanë, me lidhje të forta me Departamentin e Shtetit, me Kongresmenë, Senatorë. Le të lobojnë të dy bashkë me lidhjet e forta që kanë në Amerikë dhe të bëjnë një parti të fuqishme.

Imagjinoni çfarë të ardhme do të kishte Shqipëria me Pëllumb Pilinçin dhe Evi Angelakis./CNA





Lajmet e fundit nga