web counter
LEXO PA REKLAMA!

SHKARKO APP

App Store
Google Play

E fundit!

x

Rritja e çmimit të naftës/ Karakaçi: Taksimi në pikën e karburantit, mekanizëm më i drejtë

19 Mars 2026, 14:04, Aktualitet CNA

Pas mbledhjes së qeverisë, ministri i Infrastrukturës dhe Energjisë, Enea Karakaçi, ka sqaruar qasjen e qeverisë lidhur me çmimin e naftës dhe mundësinë e ngritjes së një bordi për menaxhimin e tregut të karburanteve.

Sipas tij, Shqipëria po ndjek një model të ngjashëm me vendet e Bashkimit Europian për taksën e qarkullimit, por me një ndryshim thelbësor në mënyrën e mbledhjes së saj. “Kemi gjykuar që marrja e taksës së qarkullimit në pikën e karburantit është mjeti më i mirë, pasi paguajnë më shumë ata që përdorin më shumë mjetet,” u shpreh ministri.

Karakaçi theksoi se institucionet janë duke monitoruar vazhdimisht tregun e karburanteve, si në Shqipëri ashtu edhe në vendet e rajonit, për të kuptuar zhvillimet dhe për të marrë masa në kohë. Ai shtoi se po ndiqet me kujdes dinamika e çmimeve dhe faktorët që ndikojnë në to.

Lidhur me shqetësimet për furnizimin, ministri siguroi se situata mbetet e qëndrueshme. Sipas tij, Ngushtica e Hormuzit nuk përbën rrezik për furnizimin e vendit, pasi mbi 90% e produkteve të karburantit vijnë përmes rrugëve alternative.

Në fund, ai bëri të ditur se mekanizmi për ndërhyrje në treg është i gatshëm dhe mund të aktivizohet menjëherë, nëse do të jetë e nevojshme.

“Kemi ndjekur modelin për taksat e qarkullimit që është në të gjitha vendet e BE, por është e ndarë. Ne kemi gjykuar që marrja e taskës së qarkullimit në pikën e karburantit është mjeti më i mirë se paguajnë më shumë taksa ata që përdorin më shumë mjete.

Jemi duke ndjekur tregun e karburanteve çfarë po ndodh në vendet e rajonit.

Po shohim dinamikën. Ngushtica e Hormuzit nuk përbën problem furnizimi për shqiptarët. Mbi 90% e produketeve vjen nga rrugë të tjera. Mekanizmi ëhstë aty mund të ngrihet menjëherë”, tha Karakaçi./ CNA





Lajmet e fundit nga