web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e Fatbardh Licit/ GJKKO çon për gjykim Safet Bajrin, Behar Bajrin, Astmer Bilalin dhe Eria Agon

19 Mars 2026, 14:08, Aktualitet CNA

Vrasja e Fatbardh Licit/ GJKKO çon për gjykim Safet Bajrin, Behar

Gjykata e Posaçme ka vendosur sot të kalojë për gjykim dosjen në ngarkim të Safet Bajrit, Behar Bajrit, Astmer Bilalit dhe Eria Agos për vrasjen e Fatbardh Licit. Avokatët mbrojtës të të pandehurve kishin kërkuar pushim të çështjes ose kthim të akteve për plotësim hetimesh.

Safet Bajri u arrestua më 21 shkurt 2025 për "Vrasje me paramendim”, “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”. Bajrat dhe Bilali, në bashkëpunim me njëri-tjetrin, akuzohen se kanë organizuar dhe kryer vrasjen e Fatbardh Licit. 

Motivi i vrasjes së tij dyshohet se lidhet me faktin që Behar Bajri ka bërë fajtor Ibrahim Licin për vrasjen e ish-efektivit të Policisë së Shtetit, Boran Bërçana. Kështu për të marrë hak, Bajrajt dhe Bilali kanë vrarë Fatbardh Licin më 8 gusht të vitit 2018.

Dyshohet se pas vrasjes së Fatbardh Licit, e dashura e Safet Bajrit, Eria Ago, ka marrë me makinë dhe ka sjellë në Tiranë, Astmer Bilalin, ndërsa Safet Bajri ka qëndruar në Shkodër. Safet e Behar Bajri dhe Astmer Bilali, të shoqëruar nga Eria Ago, udhëtuan me makinë që në orët e para të mëngjesit të gushtit 2018 nga Tirana për në Shkodër për të kryer vrasjen e Fatbardh Licit. /CNA





Lajmet e fundit nga