LEXO PA REKLAMA!

SHKARKO APP

Skandali me inceneratorin e Tiranës “zbret” në Kuvend

15 Qershor 2023, 14:57, Aktualitet CNA

Skandali me inceneratorin e Tiranës “zbret” në Kuvend

Skandali me aferën e djegësve vijon. Sot inceneratorët kanë “zbritur” në Kuvend, ku ish-kryeministri Sali Berisha ka hedhur akuza ndaj kryeministrit Edi Rama dhe kryebashkiakut Erion Veliaj në lidhje me inceneratorin e Tiranës.

Berisha ka theksuar faktin që CNA e ka denoncuar në shkrimet e saj se prej 6 vitesh qytetarët e Tiranës tarifohen me 29 euro/ton për djegien e mbetjeve, ndërkohë që inceneratori nuk ekziston.

Gjithashtu u shpreh se nuk është investuar asgjë në inceneratorin e Tiranës, ndërkohë u merren qytetarëve 29 euro/ton dhe nuk digjet asnjë kilogram mbetje.

Më tej ka folur rreth deklaratave të Farudin Arapit, i cili thotë se bashkitë e qarkut të Fierit duhet të paguajnë 12 euro/ton për mbetjet që ata menaxhojnë në inceneratorin e Fierit.

“Vijmë te djegësi i Fierit. Çfarë thotë Farudin Arapi; depozitimi kushton 12 euro. Në kontratën e Tianës është 11 euro. Arapi thotë; djegia kushton 25 euro. Në kontratën Rama-Veliaj djegia kushton 29 euro. Më e keqja akoma prej 5 vitesh qytetarët e Tiranës tarifohen nga Rama dhe Veliaj në kundërshtim me kontratën 29 euro/ ton. Kanë vjedhur me llogari 100 milionë euro. S’kanë investuar asgjë në djegësin e Tiranës.

Skapi i partisë sigurisht që nuk dëgjon dhe nuk shikon prej 5 vitesh. Veliaj u merr qytetarëve të Tiranës 29 euro gjoja për djegie në një kohë kur të gjithë i depoziton, as një kg nuk digjet. Tiranës i ka dalë tymi. Çfarë do bëni ju me këtë?

Ju vazhdoni, secili prej jush është një Erion Veliaj gjersa e mbroni atë”, ka thënë Berisha./ CNA

 

Lajmet e fundit nga