web counter
LEXO PA REKLAMA!

SHKARKO APP

App Store
Google Play

E fundit!

x

Qeveria i hoqi licencën/ Reagon “Klan Kosova”: Veprim i padrejtë

14 Qershor 2023, 21:00, Aktualitet CNA

Qeveria i hoqi licencën/ Reagon “Klan Kosova”: Veprim i

Qeveria e Kosovës i ka pezulluar licencën televizionit “Klan Kosova”.

Ministria e Tregtisë, Industrisë dhe Ndërmarrësisë njoftoi pak më parë se ka dorëzuar një kallëzim penal në Departamentin e Krimeve të Rënda për këtë televizion, me dyshimin për keqpërdorim të detyrës zyrtare dhe keqpërdorim të autorizimeve ekonomike.

Pas këtij vendimi, ka ardhur një reagim nga “Klan Kosova”. Televizioni deklaron se për heqjen e licencës është njoftuar në orën 18:00, ndërsa pretendon se nuk ka lidhje me dyshimet e ngritura nga ministria.

“Klan Kosova” shprehet se ky veprim është i padrejtë, arbitrar, i pa bazuar në ligj, tentim i shkeljes së lirisë së medias dhe lirisë së shprehjes.

Deklarata e televizionit “Klan Kosova”:

Klan Kosova shpreh shqetësimin lidhur me njoftimin e orëve të pasdites të Ministrisë së Industrisë, Ndërmarrësisë dhe Tregtisë se e njëjta ka iniciuar kallëzim penal në Departamentin e Krimeve të Rënda në kuadër të Policisë së Republikës së Kosovës, ndaj KLAN KOSOVA SHPK, si dhe se është marrë vendim për atë që e kanë quajtur “pezullim të certifikatës së biznesit”.

Klan Kosova është njoftuar nga ministrja Rozeta Hajdari për këtë vendim rreth orës 18:00, kurse deri në këto çaste nuk ka marrë asnjë vendim zyrtar nga ministria.

Klan Kosova asnjëherë deri më sot nuk ka pasur asnjë kontakt ose veprim nga ndonjë institucion i Republikës së Kosovës lidhur me çështjet për të cilat ministria ka ngritur dyshime.

Klan Kosova asnjëherë nuk ka pasur rastin as të japë shpjegime çfarëdo në institucionet e shtetit lidhur me pretendimet e ministrisë, të cilat sipas tyre kanë rrjedhur nga një shkrim spekulativ nga një portal online, vetëm një ditë më parë.

Derisa nuk marrim njoftime të tjera, ne besojmë se ky veprim është krejt i padrejtë, arbitrar dhe me primesa autokratike, i pa bazuar në ligj, i cili në secilën rrethanë i bie tentim i mbylljes së një mediumi, tentim i shkeljes së lirisë së medias dhe lirisë së shprehjes.

Ne kemi ndërmarrë menjëherë masat që të konsultohemi me juristë, ndërkohë duke njoftuar të gjitha institucionet e shtetit, ambasadat e akredituara në Kosovë, organizatat ndërkombëtare të mediave dhe lirisë së shprehjes./ CNA.al





Lajmet e fundit nga