web counter
LEXO PA REKLAMA!

SHKARKO APP

App Store
Google Play

E fundit!

x

Shpallja “non grata” e Ikballe Hudutit/ Berisha: Rama u takua me Ahmedinaxhadin disa herë në Iran

27 Qershor 2026, 12:54, Aktualitet CNA

Shpallja “non grata” e Ikballe Hudutit/ Berisha: Rama u takua me

Kreu i PD-së, Sali Berisha, ka reaguar për shpalljen "non grata" të Ikballe Berishës nga Shqipëria për një periudhë 15-vjeçare me arsyen se përbën kërcënim për sigurinë kombëtare për shkak të lidhjeve të saj me regjimin iranian.

Berisha është shprehur se gjatë kohës kur ka qenë në pushtet, shërbimet e huaja e kanë informuar se kryeministri Edi Rama ka shkuar në Teheran dhe është takuar me Ahmedinaxhadin.

“Shpall 'non grata' një zonjë sepse kishte një foto me Ahmedinaxhadin. Po më lejoni t’ju tregoj një gjë o qytetarë. Kam qenë kryeministër në pushtet kur shërbimet e huaja më informuan se Edi Rama ka shkuar në Teheran dhe është takuar me Ahmedinaxhadin.

Dhe se Erion Veliaj e ka bërë atë rrugë disa herë. Dhe natyrisht nga hetimet e organeve kompetente doli se të paktën në një rast, Rama kishte shkuar në Internacionalen Socialiste të mbledhur në Iran nga Ahmedinaxhadi.

Pra, çfarë do të thotë kjo? Shpall një zonjë 'non grata' sepse siç e shpjegoi ka marrë një medalje si lexuese e Kuranit në një konferencë fetare. Rasti tjetër, është apo nuk ka qenë luftëtar i UÇK-së. Është i tillë apo i atillë. Arritën në shkallë ekstreme të përbaltin një nga heronjtë më të lavdishëm të luftërave të shqiptarëve për liri dhe dinjitet kombëtar në fund të shekullit të 20, Tahir Sinanin.

Nxorën, rrëmuan si hiena të policisë sekrete të dikurshme fatura, dokumente pa asnjë interpretim, për të përbaltur luftën, për të përbaltur UÇK-në, për fajin e vetëm se në këtë protestë midis flamujve del edhe flamuri i UÇK-së, etj.

Pra, njeriu që nga një anë përpiqet t’i luftojë me mjetet e tjera duke stampuar në bluzën e vet flamengot apo duke i vendosur në 'Facebook'-un e tij, dhe i them nuk ke të drejtë morale ta bësh këtë, tregon amoralitet me këtë. Ti mund të stamposh në bluzën tënde Lubi Ballukun, dy Lindat, Gys Agasin, Engjëll Agaçin, Arubën.

Mund të stamposësh drogën, kokainën, por kurrë flamengot. Herë tjetër i vendos ata në foton kryesore të FB, duke besuar se kështu po bëhet më miqësor me ta.

Edi Rama, për ta mbyllur, thirrja ime është jep dorëheqjen menjëherë se ti je armiku më i egër i të rinjve shqiptarë. Je arrogant, je cinik, ti i urren ata dhe kërkon që ata të largohen nga Shqipëria. Ndaj dhe jep menjëherë dorëheqjen sepse po soset durimi i tyre”, ka deklaruar Berisha./ CNA





Lajmet e fundit nga