web counter
LEXO PA REKLAMA!

SHKARKO APP

App Store
Google Play

Shkodra me destinacion të ri kulturor/ Muzeu i Lundrimit merr formë në hyrje të qytetit

27 Qershor 2026, 12:13, Aktualitet CNA

Qyteti i Shkodrës po shton një tjetër hallkë në mozaikun e tij turistik dhe kulturor. Punimet për ndërtimin e Muzeut të Lundrimit, i cili po ngrihet në hyrje të qytetit, kanë avancuar, duke bërë që objekti të marrë formën e tij përfundimtare.

Kryeministri Edi Rama ka ndarë këtë mëngjes pamje nga kantieri i punimeve, duke theksuar rëndësinë e këtij investimi për identitetin e zonës. Përmes një mesazhi në rrjetet sociale, kreu i qeverisë u shpreh:

"Dhe me pamjen e Muzeut të Lundrimit që po merr formë e po shfaqet bukur në hyrje të Shkodrës, si një hapësirë e re kushtuar historisë e trashëgimisë sonë të lundrimit, që do të shndërrohet në një tjetër destinacion tërheqës për vizitorët e vendasit, ju uroj të gjithëve një fundjavë të mbarë!"

Muzeu i Lundrimit nuk është menduar thjesht si një ndërtesë, por si një qendër e dedikuar për të dokumentuar dhe promovuar historinë e pasur të lundrimit në këtë rajon, i cili është i lidhur ngushtë me liqenin, lumenjtë dhe traditën e njohur shkodrane të transportit dhe peshkimit ujor./ CNA





Lajmet e fundit nga